නව වසර උදා වීමට දින කිහිපයකට පෙර නිවසට අවශ්ය භාණ්ඩ ලබා ගැනීම සඳහා කඩයට පැමිණි තරුණියකට කැලැන්ඩරයක් නොලැබී යාම නිසා වෙළඳසැල් හිමියා මුහුණ දුන් අකරතැබ්බයක් පිළිබඳව මාතලේ ප්රදේශයෙන් වාර්තා වෙනවා.
ඇය මුදලාලිට පවසා ඇත්තේ කැලැන්ඩරයක් ලබා දෙන ලෙසටයි.
එහෙත් මෙවර කැලැන්ඩර් මුද්රණය නොකල බව මුදලාලි පවසා තිබෙන අතර ඉන් කුපිත වූ තරුණිය පවසා ඇත්තේ තමාට කැලැන්ඩරයක් ලබා නොදෙන්නේ නම් තමන් දේවාලයට ගොස් පොල් ගසන බවටයි.
එහෙත් මුදලාලි මහතා පුන පුනා පවසා ඇත්තේ මුද්රණ වියදම් අධික බැවින් මෙවර කැලැන්ඩර් මුද්රණය නොකල බවයි.
එහෙත් තරුණිය එය පිලිගැනීමට අකැමති වී ඇති අතර තමා රුපියල් 5000 කටත් අධික මුදලක් වැය කලේම ,කැලැන්ඩරයක් අපේක්ෂාවෙන් බවට ඇය විසින් පවසා තිබෙනවා.