වතුරට බිය නිසා පිස්සු බල්ලෝ නාවන්න බැරි ආකාරයෙන්ම මැතිවරණවලට බිය ආණ්ඩුව මැතිවරණ සඳහා රැගෙන යා නොහැකි බව විපක්ෂ නායක සජිත් ප්රේමදාස මහතා ප්රකාශ කළේය.
පොහොට්ටුවට හා එක්සත් ජාතික පක්ෂයට ඇත්තේ ජාමේ බේරාගැනීමට බැවින් ඔවුන් එකට එකතු වී හෝ මැතිවරණ පැවැත්වීමට මැලිකමක් දක්වන බවත් විපක්ෂ නායකවරයා පැවසීය.
පොහොට්ටුව එකතුවේ ජනාධිපතිවරයාට කප් එක ලබාදී පොහොට්ටු කැප් එකත් පළඳා ඇති බවත් ඔවුන් දෙපිරිසක් නොව එකම කණ්ඩායමක් බවත් බිංගිරිය සජබ ආසන බලමණ්ඩලය අමතමින් ඔහු පැවසීය.
පළාත් පාලන මැතිවරණය කල් දැමීමට ආණ්ඩුව දන්න කියන හැම කුමන්ත්රණයකම නිරත වන බවත් කිසිදු හේතුවක් නැති වුවහොත් කාලගුණයේ ප්රශ්නයක් හෝ කියා මැතිවරණය කල් දැමීමට ආණ්ඩුව කටයුතු කරනු ඇතැයි ද විපක්ෂනායකවරයා කීවේය.
සමගි ජන බලවේගයේ මෙහෙයුම් ප්රධානී පාර්ලිමේන්තු මන්ත්රී නලින් බණ්ඩාර මහතා සංවිධානය කළ මෙම හමුව සඳහා පාර්ලිමේන්තු මන්ත්රීවරු ඇතුළු විශාල පිරිසක් එක්ව සිටියහ.