ආණ්ඩුව වෙනස් කර දේශපාලන පරිවර්තනයක් ඇති කිරීමට බිම් මට්ටමේ ජනතාව දැඩි උනන්දුවකින් සිටින බව සමගි ජන බලවේගය ජාතික සංවිධායක පාර්ලිමේන්තු මන්ත්රී තිස්ස අත්තනායක මහතා කොළඹදී පැවසීය.
එම පරිවර්තනය කිරීම සඳහා සමගි ජනබලවේගය සූදානම් යන පණිවිඩය සමගි ජන සන්ධානයේ තුන්වැනි මහ සමුලුව මගින් රටට ලබාදුන් බව අත්තනායක මහතා සඳහන් කළේය.
කොළඹ මාක්ස් ප්රනාන්දු මාවතේ විපක්ෂනායක කාර්යාලයේ ඊයේ (12) පැවති මාධ්ය හමුවකදී ඔහු මේ බව පැවසීය.
සමගි ජන බලවේගයේ මහ සමුළුවට අපේක්ෂා කළ ප්රමාණයටත් වඩා මහා ජනතාවක් සහභාගි වූ බවත් එම සියලු දෙනාට පක්ෂය වෙනුවෙන් තමන් සුතූතිය පළ කරන බවත් ඔහු එහිදී සඳහන් කළේය.
පවතින ආර්තික දුෂ්කරතා මධ්යයේ සමුළුවකට සහභාගි වීමට කොළඹට පැමිණීම ලේසි පහසු දෙයක් නොවුවත් දිවයිනේ විවිධ ප්රදේශවලින් වෙනසක් අපේක්ෂාවෙන් මහ ජනකායක් පක්ෂ සමුලුවට එක් වූ බවත් ඔහු තවදුරටත් කීවේය.