2023 වසරේදී නව ආර්ථිකයක් නිර්මාණය කිරීමට කටයුතු කරන බවත් ඒ හරහා ප්රාදේශීය වශයෙන් ආර්ථිකය ශක්තිමත් කිරීමේ යාන්ත්රණයක් ක්රියාත්මක කළ යුතු බවත් ජනාධිපති රනිල් වික්රමසිංහ මහතා පවසයි.
“2048 වේදිකාව” නැමති තරුණ සංවිධානය අයවැය පිළිබඳ ගැටලු සාකච්ඡා කිරීමට ජනාධිපති නිල නිවසේදී සංවිධාන කර තිබු විශේෂ වැඩසටහනකට ඊයේ (03) එක්වෙමින් ජනාධිපතිවරයා මේ බව සඳහන් කළේය.
එහිදී තරුණ තරුණියන් විමසු ප්රශ්න සඳහා ජනාධිපතිවරයා පිලිතුරු දුන් අතර පහත දැක්වෙන්නේ අදාළ සංවාදයේ කොටසකි,
ජනාධිපති – “මම බලන්නේ එළඹෙන අවුරුදු 25 තුළදී මීට වඩා හොඳ ආර්ථිකයක් ශක්තිමත් ආර්ථිකයක් ඇති කළ යුතුයි. ඉදිරියට යන්න පුළුවන් ආර්ථිකයක් හදාගත යුතුයි. මේ අයවැයෙන් තමා එක පටන් ගන්නේ. මම අගෝස්තු මාසේ ගෙනාව අයවැයෙන් මේ රටේ කඩා වැටුණු ආර්ථිකය ස්ථාවරභාවය ඇති කළා. 2023 සිට අලුත් ආර්ථිකයක් හදන්න වැඩ ආරම්භ කරන්න. මේ රටේ තිබුණ ආර්ථික කඩා වැටීම එක සැරේ වුණ එකක් නෙමේ. අවුරුදු 2කට පෙර දැන සිටියා. තාම රටේ ආර්ථීකය තියෙන්නේ කොළඹ. ඕකනේ ඇත්ත. ආර්ථීකය හදන්න ඕනේ ප්රාදේශීයව. එකට තමා දැන් මේ උත්සහ කරන්නේ.”
ප්රශ්නය – ඔබතුමා සඳහන් කරලා තිබෙනවා වාර්තමාන තරුණ පරපුර ලෝකයත් එක්ක ගනුදෙනු කරන්න කැමති. Upgrade වෙන ජීවන රටාවත් එක්ක ඔවුන් යොමු කරන්න ඕන කියලා. අපි සරලව ඊළඟට එන අයි ෆෝන් එකට යන්න කැමති Update වෙන්න අපි. හැබැයි මේ තියෙන වාර්තමාන තත්ත්වයත් එක්ක ඒ ජීවන රටාව ප්රායෝගිකව අපිට අත්පත් කරගන්න අපහසුතාවයක් වෙලා තිබෙනවා.
ජනාධිපති – “දැන විශාල ප්රශ්නයක් රුපියල 370,380 තියෙනකොට ඩොලර් එක හා සම්බන්ධව. සමහර අය කොහොමහරි මුදල් හොයාගෙන ඒ වැඩකටයුත්ත කළා. අලුතින්ම තියෙන ඇපල් එක මොකක්ද ?”
පිළිතුර – ඇපල් 14 Pro
ජනාධිපති – “මේ අවුරුදු 4 ඇපල් කීයක් ඇවිත් තියෙනවා ද?. මම අගමැති කාලේ ඇපල් 8ද 9ද තිබුණේ. එගොල්ලෝ බලන්නෙත් කොහොමහරි අලෙවිය වැඩිකර ගන්න. එකටම Huawei එකත් අලුතින් ගේනවා. මෙතන තියෙන්නේ ජංගම දුරකථනයක් අරගෙන ක්රියා කරන්න. තමන් වාහනයක් ගත්තොත් හැමවෙලෙම බෙන්ස් කාර් එකක් ගන්න බලන්නේ නෑනේ. තියෙන ජංගමයකින් වැඩකටයුතු කරගෙන යන්න.”