සමගි ජන බලවේගය පක්ෂ කුරුණෑගල දිස්ත්රික් පාර්ලිමේන්තු මන්ත්රී ජේ සී අලවතුවල මහතා එහි උප සභාපති ධූරයට එහි නායක විපක්ෂ නායක සජිත් ප්රේමදාස මහතා විසින් පත් කරනු ලැබ සිටී.
සජිත් ප්රේමදාස මහතා එහෙම පත් වීමේ ලිපිය අලවතුවල මහතාට පෙරේදා(25) බාර දුන්නේය.
මෙයට අමතරව අලවතුවල මහතා පක්ෂයේ කෘත්යාධිකාරී මණ්ඩලයේ සාමාජිකයකු ලෙසද කටයුතු කරන්නේය.
මේ නව තනතුර සම්බන්ධයෙන් අදහස් දක්වන පක්ෂයේ නායකයකු පැවසුවේ සමගි ජන බලවේගයේ දියුණුව වෙනුවෙන් දැක්වූ දායකත්වය සහ කැපවීම සැලකිල්ලට ගෙන ඔහුට මෙම තනතුර පිරිනැමූ බවයි.
සමගි ජන බලවේගය පක්ෂය වටා රජයේ සේවකයන් සහ විශ්රාමිකයන් ගොනු කිරීම අලවතුවල මහතාට පවරා ඇති ප්රධාන කටයුත්ත බව හෙතෙම වැඩිදුරටත් සඳහන් කළේය.
ජේ.සී අලවතුවල මහතා හැටේ දශකයේදී එක්සත් ජාතික පක්ෂ දොඩංගස්ලන්ද ආසන සංවිධායක ලෙස කටයුතු කළ මහා මාර්ග නිවාස සහ ඉදිකිරීම් හිටපු නියෝජ්ය අමාත්යවරයකුවූ එස්.ඩබ්ලිව් අලවතුවල මහතාගේ පුත්රයාය.