යූරියා පොහොර පිළිබඳ ගැටලු හා ගොවිජන මධ්යස්ථානවලදී ගොවි ජනතාවට සිදුවන හිරිහැර පිළිබඳ දැනුම්දීම සඳහා කෘෂිකර්ම අමාත්යංශය විසින් විශේෂ දුරකතන අංකයක් හඳුන්වාදී තිබේ.
කෘෂිකර්ම අමාත්ය මහින්ද අමරවීර මහතා පවසන්නේ අද දින සිට වී වගාව සඳහා හෙක්ටයාර් එකකට ලබාදෙන සම්පූර්ණ පොහොර ප්රමාණය වන කිලෝග්රෑම් 157ම එක්වර ලබාදීමට තීරණය කර ඇති අතර සියලුම ගොවිජන මධ්යස්ථානවලින් එම පොහොර ලබාගැනීමේ හැකියාව පවතින බවය.
ඒ අනුව යූරියා පොහොර සැපයීමේ දී හා ගොවිජන සේවා මධ්යස්ථානවල එම කටයුතුවලට සම්බන්ධ නිලධාරින්ගෙන් ගොවීන්ට යම් යම් හිරිහැර හෝ සේවය පැහැර හැරීම් සිදුවන්නේ නම් 0718 714 219 අංකය ඔස්සේ ජාතික පොහොර ලේකම් කාර්යාලයේ අධ්යක්ෂවරයාට ඒ පිළිබඳව දැනුම්දෙන ලෙස අමාත්යවරයා ඉල්ලීමක් කර සිටී.
ලැබෙන පැමිණිළි වහා විමර්ශනය කිරීමට පියවර ගන්නා ලෙස කෘෂිකර්ම අමාත්යාංශයේ ලේකම්වරයාට උපදෙස් ලබාදී ඇති අමාත්යවරයා අවශ්ය වුවහොත් ඔවුන්ගේ වැඩ තහනම් කිරීමට ද පියවර ගන්නා ලෙස දැනුම් දී ඇති බව සඳහන් වෙයි.