ඉන්දිය ප්රිමියර් ලීගය ක්රීඩා කිරීම වෙනුවෙන් ලොව නම් දරාපු ක්රීඩකයන් කෝටී ගණන් මුදල් උපයනු ලැබුවත්, ක්රිකට් ක්රීඩාවේ විශිෂ්ටයකු වන ශේන් වෝර්න් ඔහු ක්රීඩා කල IPL තරගවාර 4 වෙනුවෙන් ලබාගෙන තිබුනේ ඉන්දිය රු. කෝටී 9.35 ක් පමණයි.
කෙසේ නමුත් ඔහු Rajasthan Royals කණ්ඩායම සමගින් අපූරූ එකඟතාවයකට ඇවිත් තිබුණා. දැවැන්ත වැටුපක් වෙනුවට තමා IPL පිටියට සමුදෙන කාල සීමාව වන තුරු සෑම වසරකම පාහේ කණ්ඩායම් හිමිකාරීත්වයෙන් 0.75% ක කොටසක් ලබාදෙන මෙන්.
ඒ අනුව IPL තරගවාර 4 ක් Rajasthan Royals කණ්ඩායම වෙනුවෙන් ක්රීඩා කල වෝර්න් අවසානයේ කණ්ඩායම් හිමිකාරීත්වයෙන් 3%ක කොටසකට හිමිකම් කියනු ලැබුවා.
ඉතිහාසයේ පළමු වතාවට රාජස්ථාන් රෝයල්ස් කණ්ඩායම (Franchise එක) සම්පූර්ණ වශයෙන් ඊයේ (25) අළෙවි වුණා. එහිදී ඇමෙරිකාව කේන්ද්ර කරගත් සමාගමක් ඉන්දිය රුපියල් බිලියන 501ක් පමණ දැවැන්ත අගයකට එම කණ්ඩායමේ හිමිකාරිත්වය ලබාගත්තා.
එයත් සමග ශේන් වෝර්න්ගේ කොටස ලෙස ඉන්දිය රුපියල් කෝටී 460ක දැවැන්ත මුදලක් සිය දරුවන් වෙනුවෙන් හිමිව තිබෙනවා.
වර්තමානයේ ඒ විශිෂ්ට ක්රීඩකයා ඉතාමත් අවාසනාවන්ත ලෙස සිය දිවිසැරිය නිමා කර තිබුණත් එදා අරගත් නැණවත් තීරණය වෙනුවෙන් ඔහුගේ ආදරණීයන් අද විශාල ප්රතිලාභයක් භුක්ති විඳිනවා.