දකුණු මුහුදේ මත්ද්රව්ය ප්රවාහනය කළ බවට සැක පිට නාවික හමුදා භාරයට ගත් බහුධින ධීවර යාත්රාවේ තිබූ මත්ද්රව්ය තොගයේ වටිනාකම රුපියල් බිලියන 2.8කට ආසන්න බව ආරක්ෂක නියෝජ්ය අමාත්ය අරුණ ජයසේකර මහතා පවසයි.
අදාළ ධීවර යාත්රාව සහ මත්ද්රව්ය තොගය දික්ඕවිට වරායට රැගෙන ඒමෙන් අනතුරුව සිදුකළ පරීක්ෂා කිරීමේදී ඒ තුළ තිබී හෙරොයිනි කිලෝ 103ක් සහ කොකේන් කිලෝග්රෑමයකට ආසන්න ප්රමාණයක්ද ආරක්ෂක අංශ භාරයට ගත් බවත් අමාත්යවරයා සඳහන් කළේය.
සිද්ධිය සම්බන්ධයෙන් එම ස්ථානයට පැමිණ සිදුකළ පරීක්ෂා කිරීමෙන් අනතුරුව අදහස් දක්වමින් අමාත්යවරා මේ බව පැවසුවේය.
“දැනට පොලිස් මත්ද්රව්ය නාශක කාර්යාංශය සහ මත්ද්රව්ය නාශක කාර්යාංශය තහවුරු කළා දැනට මුළු කිලෝ ග්රෑම් ප්රමාණය හෙරොයින් සහ කොකේන්. හෙරොයින් තියෙනවා කිලෝග්රෑම් 103කුත්, කොකේන් කිලෝග්රෑමයකට ආසන්න ප්රමාණයකුත්. එහි වටිනාකමම වෙනවා රුපියල් බිලියන 02.08ක්. මේක මහා විශාල ප්රමාණයක්. ඒ වගේම තමයි මේ සම්බන්ධයෙන් සැකකරුවන් 6 සැකපිට අරන් තියෙනවා මේ කටයුතුවලට සම්බන්ධ අයට නීතිය ක්රියාත්මක වෙනවා.”