හොරණ පොලිස් වසමේ පෝරුවදණ්ඩ ප්රදේශයේ නිවසකදී පුද්ගලයෙකුට පහරදී ඝාතනය කර තිබේ.
ඊයේ උදෑසන මෙම ඝාතන සිදුකර ඇති බවට හොරණ පොලිස් ස්ථානයට ලද පණිවිඩයක් මත විමර්ශන ආරම්භ කර ඇත.
එලෙස මියගොස් ඇත්තේ, පෝරුවදණ්ඩ ප්රදේශයේ පදිංචිව සිටි 32 හැවිරිදි පුද්ගලයෙකි.
මරණකරු අසල නිවසකට ගොස් දොර ජනෙල්වලට පහරදී ආරවුලක් ඇතිකරගෙන ඇති අතර එම නිවසේ සිටි කාන්තාවක් විසින් ඒ සම්බන්ධව මරණකරුගේ බිරිඳට දැනුම් දී ඇත.
එම අවස්ථාවේ මරණකරුගේ බිරිඳ එම නිවසට පැමිණ එම කාන්තාව සමඟ මරණකරුට ඉදලකින් පහරදීමක් සිදුකර ඇති බවට දැනට සිදු කරන ලද විමර්ශනයේදී අනාවරණය වී ඇති බව පොලීසිය පවසයි.
සැකකාරියන් දෙදෙනා අත්අඩංගුවට ගෙන ඇති අතර හොරණ පොලීසිය වැඩිදුර විමර්ශන සිදු කරයි.