වැලන්ටයින් දවසෙත් කෝල් කරලා දැරිය ගෙන්වාගෙන අතවර කරලා
2025 වර්ෂයේ අවුරුදු 16යි මාස 06ක් වයසැති පාසල් ශිෂ්යාවක දූෂණය කර සැඟවී සිටි සැකකරුවකු මොනරාගල පොලිසිය මගින් 17 වැනිදා අත්අඩංගුවට ගෙන ඇත.
මෙම සැකකරු පොලිසිය මඟහරිමින් සිට ඇති අතර අතවරයට පත් වූ දැරිය පරිවාස දෙපාර්තමේන්තුව මගින් ළමා නිවාසයකට යොමු කර තිබිණි.
දැරියගේ නිවස අසල පිහිටි 51 හැවිරිදි සැකකරුගේ නිවසට ඇය පැමිණි අවස්ථාවකදී මෙම දූෂණය සිදුකර තිබේ.
ඒ පිළිබඳව පස්සර පොලිසියට දැරියගේ වැඩිහිටියන් පැමිණිලි කිරීමෙන් පසුව දැරිය පරිවාසයට යොමු කර නැවත පාසලට යොමු කර ඇත.
සැකකරු අත්අඩංගුවට ගැනීමට පස්සර පොලිසිය පරීක්ෂණ ආරම්භ කළත් ඔහු මොනරාගලට පැමිණ සැඟවී සිට තිබේ.
14 වැනිදා පැවැති පෙම්වතුන්ගේ දිනයේ දී (වැලන්ටයින් දිනයේදී) සැකකරු විසින් දැරිය දුරකථනය මාර්ගයෙන් සම්බන්ධ කරගෙන පාසල අසල දී පාසල් නිල ඇඳුම පිටින්ම මාරාව ප්රදේශයේ නිවසකට කැඳවාගෙන ගොස් එහිදී ද අඹු සැමියන් ලෙස හැසිරී ඇත.
සැකකරු බෝහිටිය මාරාව ප්රදේශයේ සැඟවී සිටින බවට මොනරාගල පොලිසියට ලද තොරතුරක් මත ඔහු අත්අඩංගුවට ගෙන තිබේ.
එහි සිටි දැරිය ද පොලිසිය භාරයට ගෙන ඇත.
දැරිය සහ සැකකරු වැඩිදුර පරීක්ෂණ සඳහා මොනරාගල පොලිසිය මගින් පස්සර පොලිසියට භාර දී තිබේ.
මොනරාගල මූලස්ථාන ප්ර.පො.ප ප්රියන්ත ප්රේමතිලක මහතා ඇතුළු නිලධාරීන් කණ්ඩායමක් වැටලීම සිදුකර ඇත.
බඩල්කුඹුර රවිඳු ගුණතිලක