ගිනිගත්හේන නගරය හරහා ධාවන වන රථවාහන පරීක්ෂා කිරීමේ මෙහෙයුමක් ඊයේ (26) රාත්රියේ නුවරඑළිය දිස්ත්රික් ප්රධාන මෝටර් රථ පරික්ෂකවරයා ඇතුළු පොලීසියේ මැදිහත්වීමෙන් සිදුකෙරුණි.
ලංගම බස් රථ, පෞද්ගලික බස් රථ ඇතුලු වාහන 65ක් එහිදී පරීක්ෂාවට ලක්කර ඇත.
එහිදී හඳුනාගත් වාහන 12ක් දින 14කට තාවකාලිකව ධාවනයෙන් ඉවත් කිරීමට පියවර ගත් බව ගිනිගත්හේන පොලීසියේ රථවාහන අංශයේ නිලධාරීන් පැවසීය.
නුවරඑළිය දිස්ත්රික් ප්රධාන මෝටර් රථ පරික්ෂකවරයා ඇතුළු ගිනිගත්හේන පොලිස් රථවාහන අංශයේ නිලධාරින් සහ හැටන් පොලිස් කොට්ඨාස රථවාහන අංශයේ නිලධාරින් එක්ව මෙම මෙහෙයුම දියත් කර තිබුණි.
පරීක්ෂා කළ වාහන අතරින් වාහනවල මුල් ආකෘතිය වෙනස් කිරීම, අනතුරුදායක ලෙස වාහනවල අමතර කොටස් සවි කිරීම සහ වාහනවල තිරිංග පද්ධති නිසි ලෙස ක්රියාත්මක නොවීම යන චෝදනා යටතේ මෙලෙස පෞද්ගලික බස් රථ 4ක්, ලොරි රථ 6ක්, ඉන්ධන ප්රවාහන බවුසරයක් ඇතුළු වාහන 12ක ආදායම් බලපත්ර මෝටර් රථ පරික්ෂකවරුන් භාරයට ගෙන තිබේ.
අදාළ වාහනවල තිබෙන අඩුපාඩුකම් සපුරා යළිත් එම වාහන මෝටර් රථ පරීක්ෂකවරයාගේ අධීක්ෂණයට යොමු කරන තෙක් එම වාහන ධාවනය කිරීම දින 14කට මෙලෙස තහනම් කරනු ලැබූ බව ගිනිගත්හේන පොලීසියේ රථවාහන අංශයේ නිලධාරින් වැඩිදුරටත් පැවසීය.