නුගේගොඩ දී අද(21) පැවැත්වෙන මහජන රැළියේදී අපොස උසස් පෙළ විභාගයට පෙනී සිටින දරුවන්ට බාධාවක් ඇති නොවන ලෙසට ශබ්ද විකාශන යන්ත්ර භාවිත කරන්නැයි පොලිසිය අදාළ සංවිධායකයින්ට දැනුම් දී තිබෙනවා..
නුගේගොඩ ආනන්ද සමරකෝන් එළිමහන් රංග පීඨයේ දී පැවැත්වීමට නියමිත මහජන රැළියක් සඳහා ශබ්ද විකාශන යන්ත්ර භාවිත කිරීම සඳහා පොලිසියෙන් අවසර ඉල්ලා තිබෙනවා.
අද(21) පෙරවරු 8.30 සිට උදෑසන 10.40 දක්වාත් / පස්වරු 2.00 සිට පස්වරු 5.00 දක්වාත් අපොස උසස් පෙළ විභාගය පැවැත්වෙන බැවින් එහිදී ශබ්ද විකාශන යන්ත්ර භාවිතයේ දී පවතින නීතිවලට අනුව කටයුතු කරන ලෙසයි පොලිසිය දැනුම් දෙන්නේ.
එමෙන්ම සිසුන්ට බාධාවකින් තොරව විභාග මධ්යස්ථානවලට පැමිණීමට මෙන්ම විභාග කටයුතු අවසන් වීමෙන් පසු යළි පිටවයාමට ඉඩ දිය යුතු බවත් පොලසිය දැනුම් දෙනවා.
එමෙන්ම විභාගය පැවැත්වෙන අවස්ථාවේදී ඊට කිසිදු බාධාවක් ඇති නොවන අයුරින් කටයුතු කිරීමට වග බලා ගන්නා ලෙසට ශබ්ද විකාශන යන්ත්ර කොන්දේසි ලබා දී තිබෙනවා.
ඒ අනුව රැළිය පැවැත්වෙන පරිශ්රය තුළ පමණක් ශබ්ද විකාශන යන්ත්ර භාවිත කරන ලෙසත් බලපත්ර කොන්දේසි අනුව කටයුතු කරන ලෙසත් පොලිසිය බලපත්ර ඉල්ලුම්කරුවන් වෙත දන්වා ඇති බවයි පොලිස් මාධ්ය කොට්ඨාසය සඳහන් කරන්නේ.