ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ 2009 වසරේ දී නීති විද්‍යාලයට ඇතුලත් වුවද ඔහු ඒ සඳහා සුදුසුකම් සපුරා නොමැති බව සහ නීති විද්‍යාලයයේ ඔහුගේ ලිපි ගොනුවේ ඔහුගේ උපාදි සහතිකය නොමැති බවට අනාවරණය වී ඇති බව අමාත්‍ය වෛද්‍ය නලින්ද ජයතිස්ස මහතා සඳහන් කරනවා .
ඒ මහතා මේ බව ප්‍රකාශ කළේ අද (19) පර්ලිමේන්තුවෙදී අදහස් දක්වමින් .
නාමල් රාජපක්ෂ මහතා නීති විද්‍යාලයට ඇතුලත් වීමේ ක්‍රියාවලිය සැක සහිත බවයි අමාත්‍යවරයා එහිදී සඳහන් කළේ .
එමෙන්ම 2006 සිට 2009 දක්වා ලන්ඩනයේ city විශ්වවිද්‍යාලයෙන් ඉගෙනුම ලබා උපාධිය සම්පුර්ණ කර ඇති පදනම මත 2009 වසරේ දී ශ්‍රී ලංකා නීති විද්‍යාලයට ඇතුලත් වී තිබෙනවා.
නාමල් රාජපක්ෂගේ city විශ්වවිද්‍යාලයේ නීති උපාධි සහතිකය ශ්‍රී ලංකා නීති විද්‍යාලයේ ප්‍රවේශයට අත්‍යවශ්‍ය වූවත් එය කිසිදා ඔහු නීති විද්‍යාලය වෙත ඉදිරිපත් කර නොමැති බවයි අමාත්‍ය වෛද්‍ය නලින්ද ජයතිස්ස මහතා පාර්ලිමේන්තුවේදී ප්‍රකාශ කළේ .
2009 දී, නාමල් රාජපක්ෂ මන්ත්‍රීවරයා නීති විද්‍යාලයට ඇතුළත් වීමේ සුදුසුකම් සපුරා නොතිබී ඇති අතර කෙසේ වෙතත් ඔහු නීති විද්‍යාලයට ඇතුළත් වී තිබෙනවා .
නමුත් නීති විද්‍යාල මූලාශ්‍රයක් හෙළි කරන්නේ විදේශීය සුදුසුකම්වල සත්‍යතාව තහවුරු කිරීමට බොහෝ කාලයක් ගත වන බවයි. “සත්‍යතාව තහවුරු කර අනෙකුත් ලබා දී ඇති තොරතුරු නිවැරදි යැයි සැලකූ පසු, අපි ඊළඟ ලියාපදිංචියේදී සිසුන් ලියාපදිංචි කරන අතර ඒක තමයි සාමාන්‍ය ක්‍රියා පටිපාටිය.”
අයදුම්පතක් ඉදිරිපත් කළ දිනයේම ශිෂ්‍යයෙකු ඇතුළත් කර ගැනීමේ හැකියාවක් නොමැති බවද අමාත්‍යවරයා වැඩිදුරටත් ප්‍රකාශ කළා .
ශ්‍රී ලංකා නීති විද්‍යාලයේ විදුහල්පති ජනාධිපති නීතිඥ ප්‍රසන්ත ලාල් ද අල්විස් පවසන්නේ නීති අධ්‍යාපන කවුන්සිලයේ විධිවිධාන අනුව හඳුනා නොගත් විශ්ව විද්‍යාලයකින් උපාධියක් ලබා ඇති ශිෂ්‍යයෙකුට විද්‍යාලයට ඇතුළත් වීමට “කිසිම ආකාරයකින්” ඉඩ නොදෙන බවයි.
ඊට අමතරව, නීති විද්‍යාලයට නාමල් රාජපක්ෂගේ අයදුම්පත අසම්පූර්ණ බවද අමාත්‍ය වෛද්‍ය නලින්ද ජයතිස්ස මහතා ප්‍රකාශ කර සිටියා .
එමෙන්ම මේ සම්බන්ධයෙන් කරුණු පැහැදිලි කරන ලෙසයි අමාත්‍යවරයා නාමල් රාජපක්ෂ මන්ත්‍රීවරයාගෙන් ඉල්ලීමක් කළේ .