මත්පෙති සමග සැකකරුවන් තිදෙනෙකු මාවනැල්ල ප්‍රදේශයේ දී අත්අඩංගුවට ගෙන තිබේ.
මාවනැල්ල පොලීසියට ලද තොරතුරක් මත සිදුකළ වැටලීමක දී මාවනැල්ල ,හීන්දෙණිය සුසාන භූමිය අසලදී මෙම සැකකරුවන් තිදෙනා අත්අඩංගුවට ගත් බව පොලීසිය පැවසුවේය.
එහිදී මත්පෙති 8,100ක තොගයක්, සැකකරුවන් පැමිණි වැන් රථයක් සහ යතුරු පැදියක් ද පොලිස් භාරයට ගෙන ඇති බව සඳහන්ය.
අත්අඩංගුවට ගත් එක් සැකකරුවෙකු වෑන් රථයකින් මත්පෙති කොළඹ සිට රැගෙන විත් යතුරු පැදියකින් පැමිණි සැකකරුවන් දෙදෙනෙකුට එම ප්‍රදේශයේදී අලෙවි කරමින් සිටියදී පොලීසිය විසින් මෙලෙස අත්අඩංගුවට ගෙන තිබේ.
අත්අඩංගුවට ගත් සැකකරුවන් 22 හැවිරිදි 24 සහ 25 හැවිරිදි වියේ පසුවන මාවනැල්ල ප්‍රදේශයේ පදිංචිකරුවන් වන අතර මාවනැල්ල පොලීසිය සිද්ධිය සම්බන්ධයෙන් වැඩිදුර විමර්ශන සිදුකරනු ලබයි.