මාතලේ දිස්ත්‍රික්කයේ මාතලේ ප්‍රාදේශීය ලේකම් කොට්ඨාසයේ, රජ්ජම්මන ග්‍රාම නිලධාරී වසමෙහි පිහිටා ඇති සුදු ගඟ හරහා ගමන් කරන පාලමෙහි ආරක්ෂක වැට කලක පටන් කැඩී විනාශවී ගොස් ඇති බවත් මෙම ගැටළුව පිළිබඳව ගම්වාසීන් විසින් අදාල බලධාරීන් දැනුවත් කළ ද බලධාරින් මෙම පාලමේ ආරක්ෂක වැට පිළිසකර කිරීම සඳහා කිසිඳු ක්‍රියාමාර්ගයක් ගෙන නොමැති බවට වාර්තාවේ.
ඒ අනුව මෙම පාලමෙන් දිනකට පුද්ගලයින් 500 – 600ක් පමණ පිරිසක් ගමන් ගන්නා අතර, වාහන ගමන් කිරීමේදී ධාවන පථයෙන් ඉවත් වුවහොත් ආරක්‍ෂිත වැටක් නොමැතිකම හේතුවෙන් වාහන ගඟට පෙරලීයාමේ අවධානමක් පවතින බවත්. තවද මෙම පාලම ආසන්නයේ පිහිටා ඇති පුද්ගලික විදුලි බලාගාරය නැරඹීමට පැමිණෙන පුද්ගලයන් විසින්ද මෙම පාලම මත සිට ඡායාරූප ලබාගැනීමද සිදුකරනු ලබන බවත් උකුවෙල ජල විදුලි බලාගාරයේ සිට සෑම දිනකම එක්වර විශාල ජල ප්‍රමාණයක් මුදාහැරීම හේතුවෙන් ඇතැම් අවස්ථාවලදී මෙම ස්ථානයේ ජල මට්ටම විශාල වශයෙන් ඉහල යාමක් සිදුවන බවටද වාර්තාවේ.
තවද මෙම කරුණු මත මෙම පාලමේ ආරක්ෂක වැට නොමැතිකම හේතුවෙන් දැඩි අවධානම් තත්වයක් පැනනැගී ඇති අතර, ඉදිරියේදී ජීවිත හානි හා දේපළ හානි සිදුවීමේ ඉඩකඩක් පවතින බවත් මේ සම්බන්ධව අදාල බලධාරීන් දැනුවත් කර ඇතත් මේ වන තෙක් මෙම ආරක්ෂක වැට සම්බන්ධයෙන් කිසිඳු විසඳුමක් ලබානොදිම හේතුවෙන් මේ සම්බන්ධයෙන් සොයා බලා විසදුමක්ලබා දෙන ලෙස ප්‍රදේශවාසීන් අදාලා බලධාරීන්ගෙන් ඉල්ලා ඇති බවට අනාවරණය වී ඇත.
