අයිස් මත්ද්රව්ය සහ හෙරොයින් තොගයක් ළඟ තබාගෙන සිටි පුද්ගලයින් 10 දෙනෙක් මාතර ගන්දර ප්රදේශයේ දී අත්අඩංගුවට ගෙන තිබේ.
මාතර කොට්ඨාස අපරාධ පරීක්ෂණ කාර්යාංශය මඟින් ඔවුන් අත්අඩංගුවට ගෙන ඇති බව පොලිස් මාධ්ය ප්රකාශක නියෝජ්ය පොලිස්පති නීතීඥ නිහාල් තල්දුව මහතා පැවසුවේය.
එහිදි සැකකරුවන් සතුව තිබී අයිස් මත්ද්රව්ය කිලෝග්රෑම් 160ක් සහ හෙරොයින් මත්ද්රව්ය කිලෝග්රෑම් 60ක් පොලිස් භාරයට ගෙන තිබේ.
සිද්ධිය සම්බන්ධයෙන් මාතර කොට්ඨාස අපරාධ පරීක්ෂණ කාර්යාංශය වැඩිදුර විමර්ශන සිදුකරයි.
මේ අතර ගුවන් තැපැල් මඟින් තායිලන්තයේ සිට මෙරටට එවන ලද කුෂ් මත්ද්රව්ය තොගයක් රැගෙන යාම සඳහා කොළඹ මධ්යම තැපැල් හුවමාරුව වෙත පැමිණි පුද්ගලයින් තිදෙනෙකු අත්අඩංගුවට ගෙන තිබේ.
පොලිස් මත්ද්රව්ය කාර්යාංශයේ නිලධාරීන් සහ රේගු නිලධාරීන් ඒකාබද්ධව සිදුකළ වැටලීමකදී සැකකරුවන් අත්අඩංගුවට ගෙන ඇති බව සඳහන්ය.
එහිදි තායිලන්තයේ සිට මෙරටට එවන ලද කුෂ් මත්ද්රව්ය කිලෝග්රෑම් 10යි ග්රෑම් 274ක් අඩංගු පාර්සක් දෙකක් පොලිස් භාරයට ගෙන තිබේ.
අත්අඩංගුවට ගත් සැකකරුවන් පාදුක්ක, හෝමාගම සහ කළුතර යන ප්රදේශවල පදිංචිකරුවන් බව පොලීසිය පැවසුවේය.