බේරුවල නගර සභාව විසින් කසල (අපද්රව්ය) බේරුවල මරදාන මාර්ගයෙහි ඇති අතුරු මාර්ගයක් වන අබෘ මාර්ගයේ පිහිටා තිබූ හිස් ඉඩමකට බැහැර කිරීම සිදුකරනු ලබයි. එම ඉඩමෙහි හිමිකරු විසින් මේ වන විට පස් දමා ඉඩම ගොඩකර ඉඩම කොටස් කර අලෙවි කිරීමට සූදානම් කර තිබීම හේතුවෙන් බේරුවල නගර සභාවෙහි කසල බැහැර කිරීමට ස්ථානයක් නොමැති බැවින් ඊට පිළියමක් වශයෙන් මේවන විට එම කසල බේරුවල නගර සභා පරිශ්රය තුළ බැහැර කරන බවට වාර්තා වේ.
මෙම තත්වය හේතුවෙන් ප්රදේශයේ මැස්සන් ඉතා සීඝ්රයෙන් බෝවීම තුළින් හා කුඩා දරුවන් මෙන්ම වයෝවෘධ වැඩිහිටියන්ද ඉතා ඉක්මනින් විවිධ රෝගයන්ට ගොදුරුවීමේ ප්රවනතාවයක් පවතින බවට අවධාරණය වන අතරම නගර සභාව අවට ප්රදේශයේ විශාල දුර්ගන්ධයක් හමන බවට ප්රදේශවාසින් චෝදනා කර සිටී.
එමෙන්ම බේරුවල නගර සභාව ආසන්නයේ පිහිටා ඇති වරාය, ප්රාදේශීය රෝහල, ප්රධාන තැපැල් කාර්යාලය, ප්රාදේශීය ලේකම් කාර්යාලය වැනි රාජ්ය ආයතනයන්හී සේවය කරනු ලබන පුද්ගලයින් මෙන්ම නගරයේ ව්යාපාරිකයින් සහ ප්රදේශවාසින්ද මේ සඳහා චෝදනා පල කරනු ලබයි. චීනකොටුව මැණික් වෙළඳපලද බේරුවල නගරයට ආසන්නයේම පිහිටා තිබීම මත විදේශික ජාතිකයින්ද වැඩි වශයෙන් ගැවසෙන නගරයක් වීම හේතුවෙන් නගර සභා පරිශ්රය තුළ කසල බැහැර කිරීම ඉතාමත් ගැටලුකාරී තත්වයක් වී ඇති බවට වාර්තාවේ.
බේරුවල නගර සභාවේ මෙම ක්රියාකලාපය හේතුවෙන් ප්රදේශවාසීන් මුහුණ දී ඇති මෙම ගැටලුකාරී තත්ත්වය බේරුවල නගර සභාවේ නිලධාරීන් හට දැනුවත් කලද මේ වනතෙක් නිසි විසඳුමක් ලබාදී නොමැති බවට ප්රදේශවාසීන් සදහන් කර සිටී. ඉදිරියේදී මෙම ගැටළුව සම්බන්ධයෙන් නිසි ක්රියාමාර්ගයක් ලබා නොදුනහොත් ජනාධිපතිතුමා වෙත මේ සම්බන්ධව ලිපියක් ඉදිරිපත්කර මෙයට විරෝධය පල කරමින් මහජන පෙත්සමක් ද අත්සන් කර ඉදිරිපත් කිරීමට සූදානමින් සිටින බව අනාවරණය වෙයි. එමගින්ද නිසි විසඳුමක් නොමැති වුවහොත් බේරුවල නගර සභාව ඉදිරිපිට මෙම ක්රියාදාමයට එරෙහිව විරුද්ධව උද්ඝෝෂණයක් සිදුකිරීමට සූදානමින් සිටින බවට වැඩිදුරටත් වාර්තාවේ.