ගාල්ල, ඇල්පිටිය නගරය තුල දැඩි රථ වාහන තදබදයක් දෛනිකව නිර්මාණය වන අතර, මෙය අම්බලන්ගොඩ සිට ඇල්පිටිය දක්වා දිවෙන B14 මාර්ගයේ ඇල්පිටිය නගරය ආසන්නයෙන් මාර්ගය පටු වීම හේතුවෙන් සිදුව ඇති බවට වාර්තාවේ.
මෙම තත්වය යටතේ ඇල්පිටිය නගරය වෙත පැමිණෙන රථ වාහන සහ ජනතාව හට දැඩි රථ වාහන තදබදයකට මුහුණ දීමට සිදුව තිබීම හේතුවෙන් මහ ජනතාවගේ අවශ්‍යතාවයන් නියමිත වේළාවන් තුල සිදුකර ගැනීමට නොහැකි වී ඇති බවට ජනතාව මැසිවිලි නගයි.
දීර්ඝ කාලයක සිට පවතින මෙම රථ වාහන තදබදය අවම කිරීම සඳහා විකල්ප ක්‍රමවේදයක් ලෙස ජනතාව විසින් මෙම මාර්ගය රථ වාහන ධාවනය කිරීමේ (One Way) තනි මංතීරු ක්‍රමය ක්‍රියාත්මක කිරීම සහ විකල්ප මාර්ගයක් ලෙස ඇල්පිටිය මහේස්ත්‍රාත් අධිකරණය අසලින් මාර්ගය පුළුල්කර අම්බලන්ගොඩ දිශාවට වාහන ගමන් කිරීමට මාර්ගය සකස් කිරීම හරහා මාර්ග තදබදය අවම කර ගත හැකි බවට ඇල්පිටිය ප්‍රාදේශීය සභාව වෙත දැනුම්දීම සිදුකර ඇති නමුත් මෙතෙක් එම ගැටළුව නිරාකරණය වී නොමැති බවට ජනතාව ප්‍රකාශ කර ඇති බවට වාර්තාවේ.