බිබිල මැදගම ප්‍රාදේශිය ලේකම් කොට්ඨාශයේ පිහිටි මෑල්ලගම, මොණරවාන, එගොඩ කළුගහවාඩිය, දේවාලගොඩ ඇතුළු ගම්මාන රැසක ජනතාව සිය ගමනාගමන අවශ්‍යතා ඉටුකර ගැනිම සඳහා නිසි පාලමක් නොමැති වීමෙන් දැඩි දුෂ්කරතාවයකට මුහුණ දීමට සිදුවී තිබේ.
මෙම ප්‍රදේශයෙන් ගලා බසින “දහමල් ඔයට” ඉහළින් පාලමක් ඉදිකර දෙන ලෙසට ප්‍රදේශවාසීන් ඉල්ලා සිටින අතර, ඔයේ ජල මට්ටම අඩු වු අවස්ථා වලදි අසීරුවෙන් ඔය තීරණය කල හැකි අතර, ජල මට්ටම වැඩි වු අවස්ථාවලදි ඔය තරණය කිරීම ජනතාවට සිදුකල නොහැකි බවට ප්‍රකාශ කර සිටී.
මෙම ප්‍රදේශවාසින්ගේ ප්‍රධාන ජීවනෝපාය ගොවිතැන වන අතර, ඔවුන්ගේ අස්වනු නගරයට ගෙන යාමටත්, පාසල් දරුවන්ට පාසල් යාමටත් පාලමක් නොමැති විම දැඩි ගැටළුවක් වී ඇත. මෙම තත්වය හමුවේ මැදගම නගරයට යාම සදහා ප්‍රදේශවාසින් හට කිලෝ මීටර් 09 කට වැඩි අතිරේක දුරක් ගෙවා දැමිමට සිදුව ඇති ඇතර අතර හදිසි අවස්ථාවන්හිදී දැඩි අපහසුතාවයට ලක්ව ඇති බව සිදුවු අත්දැකීම් හුවා දක්වමින් සදහන් කර සිටී.
කෙසේ වෙතත්, මෙම ජනතාවට කඩිනමින් පාලමක් ඉදිකර දීම සදහා නිසි බළධාරින්ගේ වගකිමකින් යුතුව කටයුතු කල යුතු බව අපගේ මතයයි
