ගාල්ල හබරාදුව ප්රාදේශීය ලේකම් කොට්ඨාශයට අයත් කොග්ගල ප්රදේශයේ අක්කර 15ක භූමි ප්රමාණයක 2003 වසරේදී රුපියල් මිලියන 900 ක මුදලක් වැයකර රාජ්ය පරිපාලනය හා කළමනාකරණ අමාත්යංශය විසින් නිවාස 574කින් සමන්විත ගොඩනැගිලි 09 කින් යුත් ‘නිල සෙවන’ මහල් නිවාස සංකීර්ණය ඉදිකර ඇති අතර, මේ වන විට නිසි නඩත්තුවක් හෝ පරිහරණයට ගැනීමක් සිදු නොවන බවට අප ප්රදේශීය වාර්තාකරු සදහන් කර සිටී.
අදාල නිවාස අතරින් නිවාස 128 ක් රාජ්ය සේවකයින් වෙත රුපියල් මිලියන 3.8 කට හා ඉතිරි නිවාස 448ක වෙළඳපොල මිළ අනුව ගැනුම්කරුවන් වෙත අලෙවි කිරීමට එවකට පැවති රජය විසින් සැලසුම් කර තිබුනද කිසිදු රාජ්ය සේවකයෙකු මෙම මිළ ගණන් යටතේ නිවාස මිලදී ගැනීම් සිදුකර නොමැති බවට අනාවරණය වේ. මේ වන විට මහල් නිවාස සංකීර්ණය භාවිතයට නොගැනීම හේතුවෙන් නිවාස සංකිර්ණයේ පහළ ප්රදේශය කැඩී බිඳී යාමට ලක්ව ඇති බවට වාර්තාවේ.
මේ අතර මහල් නිවාස සංකීර්ණය තුල ඇති නිවාස සමාජ විරෝධී ක්රියා සඳහා භාවිතා කරන බවත්, නිවාස සංකීර්ණයේ ඇති යකඩ හා වටිනා උපකරණ සොරාගෙන ගොස් ඇති බවටද වාර්තාවේ. මෙවැනි රාජ්ය දේපල විනාශ මුඛයට ලක් නොකර නිසි ඵල ප්රයෝජනයක් ලබා ගැනීමට නිසි බලධාරීන්ගේ අවධානය යොමු විය යුතු නොවේද? යන්න අපගේ පැනයයි.
