මොරටුව, ලක්ෂපතිය රතුකුරුසවත්ත ප්‍රදේශයේ නිවසක තියුණු ආයුධයකින් කපා කොටා පුද්ගලයෙකු ඝාතනය කිරීමේ සිද්ධිය සම්බන්ධයෙන් මරණකරුගේ බිරිඳ සහ ඇගේ සොහොයුරා අත්අඩංගුවට ගෙන තිබේ.
මොරටුව පොලීසිය විසින් එම සැකකරුවන් අත්අඩංගුවට ගත් බව වාර්තාවේ.
මොරටුව ලක්ෂපතිය රතුකුරුසවත්ත ප්‍රදේශයේ නිවසක ඊයේ (15) අලුයම තියුණු ආයුධයකින් කපා කොටා පුද්ගලයෙකු ඝාතනය කර තිබුණි.
මරණකරු හරේන්ද්‍ර කුමාර නොහොත් ‘පොඩි අයියා’ නැමැති 41 හැවිරිදි පුද්ගලයෙකි.
විමර්ශනවලදී හෙළිවී ඇත්තේ මරණකරු බිරිඳ සමග ඇතිවූ ආරවුලක් දුරදිග ගොස් බිරිඳ තම සහෝදරයා නිවසට කැඳවා ඔහුගේද සහාය ඇතිව තියුණු ආයුධයකින් පහරදී ඝාතනය සිදුකර ඇති බවය.