තද සුළං සහ මුහුද රළු වීම පිළිබඳ ව කාලගුණවිද්යා දෙපාර්තමේන්තුව රතු වර්ණයෙන් යුත් අනතුරු ඇඟවීම් නිවේදනයක් නිකුත් කර තිබේ.
ඒ අරාබි මුහුද ප්රදේශ සහ බෙංගාල බොක්ක මුහුදු ප්රදේශ වල ක්රියා කරන බහුදින ධීවර සහ නාවික ප්රජාව සඳහායි.
නැවත දැනුම්දෙන තුරු එම මුහුදු ප්රදේශ සඳහා යාත්රා නොකරන ලෙස ට කාලගුණවිද්යා දෙපාර්තමේන්තුව අනතුරු අඟවා තිබේ.
අදාළ නිවේදනය පහතින් දැක්වේ.
මේ අතර, බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණවිද්යා දෙපාර්තමේන්තුව පවසයි.
බස්නාහිර සහ සබරගමුව පළාත්වලත් මහනුවර සහ නුවරඑළිය දිස්ත්රික්කවලත් ඇතැම් ස්ථානවල මි.මී. 50 ට වැඩි තරමක තද වැසි ඇතිවිය හැක.
දිවයින හරහා නිරිත දිග මෝසම් සුළං ප්රවාහයේ වැඩි වීම් හේතුවෙන්, මධ්යම කඳුකරයේ බටහිර බැවුම් ප් දේශ වල සහ උතුරු, උතුරු මැද සහ වයඹ පළාත්වලත් ත්රිකුණාමලය සහ හම්බනතොට දිස්ත්රික්ක වලත් විටින් විට හමන පැ.කි.මි (50 -60) ක පමණ තද සුළං ඇති විය හැකි බව දැනුම් දී තිබේ.
එමෙන්ම දිවයිනේ සෙසු ප්රදේශවල විටින විට හමන පැ.කි.මි (30 -40) ක පමණ තද සුළං ඇති විය හැකි බවද දැනුම් දී ඇත.