අපරාධ සිද්ධියකට අදාළව අත්අඩංගුවට ගත් සැකකරුවෙකුගේ පාපොච්චාරණයක් ජනමාධ්ය හා සමාජ මාධ්යන්හි පළවීම සම්බන්ධයෙන් පොලිස් කොමිෂන් සභාවේ දැඩි අවධානය යොමු ව ඇති බව වාර්තා වෙයි.
ඒ අනුව, අතුරුගිරිය වෙඩි තැබීමේ සිද්ධියේ සැකකරුවෙකුගේ පාපොච්චාරණය පොලිස්පති නියෝගය වලට පටහැනිව මාධ්යට මුදා හැරීමට කටයුතු කිරීම සම්බන්ධයෙන් ඊට අදාළ නිලධාරීන්ට එරෙහිව විනයානුකූලව කටයුතු කිරීමට අවශ්ය පියවර ගැනීම ට ජාතික පොලිස් කොමිෂන් සභාව තීරණය කර තිබේ.
එම සිදුවීමට අදාළව සති දෙකක් ඇතුළත පොලිස් විශේෂ විමර්ශන ඒකකය මගින් මූලික විමර්ශනයක් සිදුකර එය පොලිස් කොමිෂන් සභාව වෙත දැන්වීමට පොලිස්පතිවරයා ට නියෝග කර ඇත.
ජාතික පොලිස් කොමිෂන් සභාව ඊයේ (11) රැස් වූ අවස්ථාවේ එම තීරණ ගෙන අදාළ නියෝග නිකුත් කර ඇති බව වාර්තා වේ.