පොල්පිතිගම අලුත් වැවේ දිය නෑමට ගිය පුද්ගලයෙකු දියේ ගිලී මියගොස් තිබේ.
මෙම පුද්ගලයා ඊයේ (31) සවස ඔහුගේ මිතුරන් දෙදෙනෙකු සමග අලුත් වැවේ දියනෑමට ගොස් සිටිය දී මෙලෙස දියේ ගිලී ඇති බව පොලීසිය පවසයි.
පොලීස් විමර්ශනවලදී හෙළි ඇත්තේ මෙම පුද්ගලයා වැව අසල තිබූ කුඹුක් ගසකට නැඟ එහි අත්තක් මත සිට වැවට පැනීමේ දී මෙලෙස දියේ ගිලී ඇති බවය.
මෙලෙස මිය ගොස් ඇත්තේ 37 හැවිරිදි කිරිබමුණේගම පොල්පිතිගම ප්‍රදේශයේ පදිංචිකරුවෙකි.
පොල්පිතිගම පොලීසිය මේ සම්බන්ධයෙන් වැඩිදුර විමර්ශන කටයුතු සිදුකරයි.