අනතුරු ඇඟවීම් නොතකා මුහුදු ගිය ධීවරයින් දෙදෙනෙකු අතුරුදන්ව ඇතැයි ධීවර හා ජලජ සම්පත් දෙපාර්තමේන්තුව පවසයි.
ධීවර හා ජලජ සම්පත් දෙපාර්තමේන්තුව පවසන්නේ දිවයිනට බලපෑ නිරිත දිග මෝසම් වැසි තත්ත්වය හමුවේ ධීවරයින් සඳහා අනතුරු ඇඟවීම් නිකුත් කර තිබියදී එම ධීවරයින් මුහුදු ගොස් ඇති බවය.
මේ අතර පවතින අධික සුළං හමුවේ මුහුදු යෑමෙන් වැළකී සිටින ලෙස ධීවර සහ නාවික ප්‍රජාවට දැනුම් දී තිබේ.
කාලගුණ විද්‍යා දෙපාර්තමේන්තුව පවසන්නේ ඉදිරි පැය 24දීත් බස්නාහිර සබරගමුව පළාත්වලත් නුවරඑළිය දිස්ත්‍රික්කයේත් ඇතැම් ස්ථානවල මිලිමීටර් 100ට වැඩි තද වැඩි ඇතිවිය හැකි බවය.
ගතවූ පැය 24 වැඩිම වර්ෂාවක් ලැබී තිබුණේ රත්නපුර කරගල ප්‍රදේශයට වන අතර එම අගය මිලිමීටර් 143.3කි.
මේ අතර දිස්ත්‍රික්කයන් 7කට අදාළව නිකුත් කර ඇති නායයාමේ අනතුරු ඇඟවීම් තවදුරටත් බලපැවැත්වේ.