තුර්කියේ අධිවේගී මාර්ගයක සිදුවූ බිහිසුණු අනතුරකින් පුද්ගලයින් 10 දෙනෙකුට ආසන්න ප්‍රමාණයක් මියගොස් ඇති බව විදෙස් මාධ්‍ය වාර්තා කර තිබේ.
දකුණු දිග තුර්කියේ මර්සින් ප්‍රදේශයේ අධිවේගී මාර්ගයක මෙම අනතුර සිදුව ඇත.
අයපත් කාලගුණික තත්ත්වයත් සමග බස් රථයක් ප්‍රතිවිරුද්ධ මංතීරුවට ලිස්සා ගොස් කාර් රථ දෙකක ගැටී ඇති බව විදෙස් මාධ්‍ය වැඩිදුරටත් වාර්තා කර ඇත.
අනතුරුව ලොරි රථයක් එම රථ තුනෙහිම වැදී මෙම අනතුර සිදුව ඇති බව එම මාධ්‍ය වාර්තා වැඩිදුරටත් සඳහන් කරයි.
අනතුරින් තවත් පුද්ගලයින් 39කට ආසන්න පිරිසක් තුවාල ලබා තිබේ.