මුලතිව් වට්ටාපලෙයි කෝවිලේ වාර්ෂික මංගල්‍යයට පැමිණෙන බැතිමතුන් සඳහා යුද හමුදාව සහන සේවා රැසක් සමග මාලු පාන් හා කොත්තමල්ලි දන්සැලක් පවත්වනවා.
මාසයක් පුරා පැවැත්වෙන වාර්ෂික මංගල්‍යයට බැතිමතුන් ලක්ෂ පහකට අධික ප්‍රමාණයක් සහභාගී වෙතැයි අපේක්ෂා කරනවා.
ඒ අනූව වන්නි ආරක්ෂක සේනාංකාධිපති මේජර් ජෙනරාල් දිනේෂ් නානායක්කාරගේ අදහසක් අනුවයි මෙම විශේෂ දන්සැල හා සහන සේවා පවත්වනු ලබන්නේ.
දැන්සැලට අමතරව බැතිමතුන් සදහා වෛද්‍ය කඳවුරක් පවත්වනවා.
ඒ සමග කූඩාරම් ලබාදීම ඇතුලු තවත් සහන සේවා රැසක් කෝවිලේ බාරකාර මණ්ඩලය හා එක්ව සිදුකරන බව යුද හමුදාව පවසනවා.
59 වෙනි පාබල සේනාංකයේ සේනාංකාධිපති මේජර් ජෙනරාල් විජේසූරිය 591 බලසේනාධිපති බ්‍රිගේඩියර් උබේසේකර නිලධාරීන්ගේ අධීක්ෂණය මතයි වැඩසටහන ක්‍රියාත්මක කරන්නේ.
