සංචාරක වීසා මත රුසියාව ට පුද්ගලයින් 120 දෙනෙකු පමණ යැවූ බවට සැකපිට පුද්ගලයෙක් ව දෙහිවල ප්රදේශයේදී අත්අඩංගුවට ගෙන තිබේ.
අපරාධ පරික්ෂණ දෙපාර්තමේන්තුවේ “තැනැත්තන් වෙළෙඳාම සහ සමුද්රීය අපරාධ විමර්ශන අංශය” විසින් එම සැකකරු අත්අඩංගුවට ගෙන ඇත.
මෙම සැකකරු රුසියානු තානපති කාර්යාල ඉදිරිපිට සිට සංචාරක වීසා මත රුසියාව සඳහා යෑමට පුද්ගලයින්ට ආධාර අනුබල දී ඇති බව විමර්ශනවලිදී අනාවරණය වී තිබේ.
අත්අඩංගුවට ගත් සැකකරුගෙන් මේ වනවිට ප්රශ්න කරමින් සිටින අතර ඔහු හෙට (21) අධිකරණය වෙත ඉදිරිපත් කිරීමට නියමිත බව පොලීසිය පවසයි.
අපරාධ පරික්ෂණ දෙපාර්තමේන්තුවේ ජ්යෙෂ්ඨ නියෝජ්ය පොලිස්පති රොහාන් ප්රේමරත්තන මහතාගේ උපදෙස් මත “තැනැත්තන් වෙළෙඳාම සහ සමුද්රීය අපරාධ විමර්ශන අංශයේ” අධ්යක්ෂ ජ්යෙෂ්ඨ පොලිස් අධිකාරි සමරකෝන් බණ්ඩා මහතාගේ අධීක්ෂණය යටතේ වැඩිදුර පරීක්ෂණ පැවැත්වේ.