කුලී ගමන් යන මුවාවෙන් ත්‍රීරෝද රථවලට නැඟ ගොස් රියදුරන් බිය ගන්වා කොල්ලකෑම් සිදුකළ පුද්ගලයෙකු අඟුලාන ප්‍රදේශයේ දී අත්අඩංගුවට ගෙන තිබේ.
බස්නාහිර පළාත් දකුණු දිසා අපරාධ කොට්ඨාසයේ නිලධාරීන්ට ලද තොරතුරක් මත සිදුකළ වැටලීමක දී සැකකරු අත්අඩංගුවට ගෙන ඇති බව පොලීසිය පැවසුවේය.
සැකකරු ත්‍රීරෝද රථ 02ක්, ජංගම දුරකථන 02ක් සහ මුදල් කොල්ලකෑමේ සිද්ධි කිහිපයක් සිදුකර ඇති බව මුලික විමර්ශනවලදී අනාවරණය වී ඇත.
අත්අඩංගුවට ගත් සැකකරු 25 හැවිරිදි රත්මලාන ප්‍රදේශයේ පදිංචිකරුවෙකු වන අතර සිද්ධිය සම්බන්ධයෙන් ගල්කිස්ස පොලීසිය වැඩිදුර විමර්ශන සිදුකරයි.