බොරලැස්ගමුව ප්රදේශයේදී පුද්ගලයෙකුගේ ගෙළ කපා ඝාතනය කිරීමේ සිද්ධියේ සැකකරු පානදුර ප්රදේශයේදී පොලීසිය විසින් අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ 49 හැවිරිදි වියේ පසුවන පෙදරේරුවෙකි.
සැකකරු පොලීසියට පවසා ඇත්තේ ඝාතනය කරන ලද පුද්ගලයා සහ සිය බිරිඳ අතර වසර 15ක් තිස්සේ අනියම් සම්බන්ධතාවයක් ඇති බවය.
පසුගිය දිනක බිරිඳ නිවසින් පිටව ගිය බවත් ඇය ඔහු සමග සිටිනු ඇතැයි යන සැකය මත තමන් මෙම ඝාතනය කළ බවත් සැකකරු පොලීසිය හමුවේ පාපොච්චාරණය කර තිබේ.
සැකකරු වැඩිදුරටත් පවසා ඇත්තේ තමන්ට වයස අවුරුදු 24ක සහ 17 ක දියණියන් දෙදෙනෙකු සිටින බවත් ඔවුන්ට සමාජයෙන් සිදුවන අවමන් ඉවසාගැනීමට නොහැකිව මෙම අපරාධය සැලසුම් කළ බවත්ය.
ඒ අනුව බෙල්ලන්තර හංදිය ප්රදේශයේ සිට ඝාතනයට ලක්වූ පුද්ගලයාගේ ත්රිරෝද රථය පසුපස හඹාවිත් බොරලැස්ගමුව දේවාලමුල්ල ප්රදේශයේදී ඔහුගේ ගෙළට මන්නයකින් කොටා මෙම ඝාතනය කළ බවත් ඔහු පවසා තිබේ.
ඝාතනය සිදුකිරීමෙන් අනතුරුව තමන් පළායන අවස්ථාවේ යතුරුපැදිය අනතුරට ලක්වූ බව සැකකරු පවසා ඇති අතර ඔහුගේ තොරතුරු මත සිදුකළ විමර්ශනයේදී ඝාතනයට යොදාගත් මන්නා පිහිය ද පිරිවෙන පාරේ කාණුවක තිබී සොයාගෙන ඇත.
පසුගිය 2 වනදා රාත්රියේ මෙලෙස ඝාතනයට ලක්වූයේ ද මාතර ප්රදේශයේ පදිංචි 38 හැවිරිදි වියේ පසුවූ පුද්ගලයෙකි.
සැකකරු ගංගොඩවිල මහෙස්ත්රාත් අධිකරණය වෙත ඉදිරිපත් කිරීමට නියමිත අතර බොරලැස්ගමුව පොලීසිය සිද්ධිය සම්බන්ධයෙන් වැඩිදුර පරීක්ෂණ සිදුකරයි.