ප්රදේශ දෙකකින් මනුෂ්ය ඝාතන දෙකක් වාර්තා වී ඇති බව පොලීසිය පවසයි.
ඊයේ (02) එම ඝාතන සිදුව ඇත්තේ, කලවාන සහ මූතූර් පොලිස් වසම්වලින්ය.
මූතුර්, බහිරියා නගර් කලපු ප්රදේශයේ දී පුද්ගලයෙකු සැකකටයුතු ලෙස මියගොස් ඇතැයි පොලීසියට තොරතුරක් ලැබී තිබිණි.
එලෙස මියගොස් ඇත්තේ, බහිරියා නගර්, මූතුරු 01 ප්රදේශයේ පදිංචිව සිටි 39 හැවිරිදි අයෙකි.
මරණකරුගේ දෑත් සහ දෙපා ගැට ගසා දෙඅත්වල වැලි උරයක්ද ගැට ගසා තිබී ඇති අතර මෙය මනුෂ්ය ඝාතනයක් බවට පොලීසිය සැකකරයි.
මෙම පුද්ගලයා පසුගිය 30 වනදා රාත්රී කාලයේදී කිසිවෙකුටත් නොදන්වා නිවසින් පිටව ගොස් ඇති බවත් ඔහු මානසික රෝගයකින් පෙළෙන පුද්ගලයෙකු බවටත් අනාවරණය වී ඇති බව වාර්තා වේ.
ඝාතනය සිදුකළ සැකකරු අත්අඩංගුවට ගැනීම සඳහා මූතුර් පොලීසිය වැඩිදුර විමර්ශන සිදුකරයි.
මේ අතර කලවාන – මතුගම මාර්ගයේ නගරය ආසන්නයේදී තියුණු ආයුධයකින් ගෙල කපා පුද්ගලයෙකු ඝාතනය කර තිබේ.
ඊයේ සවස් කාලයේදී එම ඝාතන වාර්තා වී ඇති බව පොලීසිය පවසයි.
මියගොස් ඇත්තේ, දෙල්ගොඩ, කලවාන ප්රදේශයේ පදිංචි 53 හැවිරිදි පුද්ගලයෙකි.
පුද්ගලික අමනාපයක් හේතුවෙන් මෙම ඝාතනය සිදුකර ඇත.
ඝාතනය සිදුකළ 37 හැවිරිදි සැකකරු අත්අඩංගුවට ගෙන ඇති අතර සිද්ධිය සම්බන්ධයෙන් කලවාන පොලීසිය වැඩිදුර විමර්ශන සිදුකරයි.