දෙහිවල ගුවන් පාලම මතදී මෝටර් රථයක් එක්වරම ගිනිගැනීමට ලක්වීමෙන් ඊයේ රාත්රියේ අනතුරක් සිදුවිය.
එම අවස්ථාවේ මෝටර් රථයේ ගමන්කරමින් සිටි පුද්ගලයා ඉන් පිටතට පැන දිවි බේරාගැනීමට සමත්ව ඇත.
දෙහිවල ගල්කිස්ස මහනගර සභාවේ ගිනි නිවීමේ ඒකකයේ රථ දෙකක් පැමිණ ගින්න නිවාදැමීමට කටයුතු කර තිබුණි.
මෝටර් රථයේ ඇතිවූ විදුලි කාර්මික දෝෂයක් මෙම ගින්නට හේතුවන්නට ඇති බවට සැක පළකරයි.
දෙහිවල පොලීසිය සිද්ධිය සම්බන්ධයෙන් වැඩිදුර විමර්ශන සිදුකරයි.