ලබන වසර සඳහා සැලසුම් කර ඇති ඉන්දියාවේ පළමු අභ්‍යවකාශ ගමන සඳහා ඉන්දීය ගුවන් හමුදාවේ නියමුවන් සිව් දෙනෙක්ව තෝරාගත් බව නිවේදනය කර තිබේ.
එම අභ්‍යවකාශ ගමන “Gaganyaan” ලෙස නම්කර ඇති අතර එමගින් ගගනගාමීන්ව කක්ෂයේ කිලෝ මීටර් 400ක් පමණ දුරකට යවා දින තුනකට පසුව ඔවුන්ව ගෙන්වා ගැනීමට සැලසුම් කර ඇති බව සඳහන් ය.
එම ගමන සඳහා ගගනගාමීන් තිදෙනෙක් එක්වීමට නියමිතය.
එම ගමන සාර්ථක කර ගැනීම සඳහා ඉන්දීය අභ්‍යවකාශ ඒජන්සිය (Isro) මේ වනවිට විවිධ අත්හදාබැලීම් සිදුකරමින් සිටියි.
මෙම වසරේදී රොබෝවක් අභ්‍යවකාශයට යැවීමට ඉන්දීය විද්‍යාඥයින් සැලසුම් කර ඇති අතර අනතුරුව ලබන වසරේදී ගගනගාමීන්ව අභ්‍යවකාශයට යැවීමට ඉන්දියාව සැලසුම් කරයි.