අරාබි මුහුදේ ගුජරාට් වෙරළට ඔබ්බෙන් දිය යට පිහිටි පුරාණ ද්වාර්කා කෝවිලේ ක්රිෂ්ණ දෙවියන් වෙනුවෙන් සිදුකළ පූජාවකට ඉන්දීය අග්රාමාත්ය නරේන්ද්ර මෝදි ඊයේ (25) සහභාගි වී තිබුණි.
ප්රසිද්ධ පුරාණ ද්වාර්කා කොවිල කලකට පෙර සශ්රීක නගරයක් වූ අතර එය සියවස් ගණනාවකට පෙර දී මුහුදට යට වී ඇතැයි විශ්වාස කෙරේ.
ඉන්දීය මාධ්ය සඳහන් කර ඇත්තේ පුරාණ ද්වාර්කා කෝවිලේ නටබුන් පුරාවිද්යාඥයින් විසින් කැණීම් කර ඇති අතර දිය යටදී එය දැකගත හැකි බවය.
අගමැති මෝදි ද කිමිදුම් ඇඳුමින් සැරසී එම පූජාව පැවැත් වූ ආකාරය දැක්වෙන වීඩියෝපට සමාජ මාධ්ය පුරා පැතිරී ගිය බව ඉන්දීය මාධ්ය වාර්තා කර තිබේ.
ක්රිෂ්ණ දෙවියන්ට සංකේතාත්මක උපහාරයක් ලෙස මොණර පිහාටු රැගෙන අගමැති මෝදි ද පුරාණ කෝවිල සහිත නගරය වැඳපුදා ගත් බව ඉන්දීය මාධ්ය වාර්තාකරයි.
අග්රාමාත්යවරයා සිය අත්දැකීම සම්බන්ධයෙන් සිය X ගිණුමේ සටහනක් ද තබා තිබේ.
ඔහු පවසා ඇත්තේ ජලයේ ගිලී ඇති පුරාණ ද්වාර්කා කොවිල යාඥා කිරීම දිව්යමය අත්දැකීමක් වූ බවය.
ගුජරාට්හි ඕකා වරාය නගරයත් ද්වාර්කා දූපතත් යා කරන කිලෝ මීටර් 2.3ක දිගින් යුත් සුදර්ශන් සේතු පාලම අද මහජන අයිතියට විවෘත කළේ අග්රාමාත්ය නරේන්ද්ර මෝදි විසිනි.
එම අවස්ථාවේ දි අග්රාමාත්යවරයා දිය යටදී මෙම ආගමික වතාවත් වලත් නිතරව තිබුණි.
ක්රිෂ්ණ දෙවියන් වෙනුවෙන් ඉදිකළ සුප්රකට ද්වාර්කා කෝවිල වෙත යාම පහසු කිරීමට මෙම පාලම ඉදි කර තිබේ.