වැල්ලේ සාරංගගේ මස්සිනාට වෙඩි තබා ඝාතනය කිරීම සම්බන්ධයෙන් යුද හමුදා කෝප්‍රල්වරයෙකු ඇතුළු දෙදෙනකු අත්අඩංගුවට ගෙන තිබේ.
එම යුද හමුදා සාමාජිකයා අත්අඩංගුවට ගෙන ඇත්තේ, තමා අනියුක්තව සිටි කඳවුරේ සිට පැනයමින් සිටියදීය.
පසුගිය 21 වනදා රාගම, මහබාගේ ඇලපිටිවල ප්‍රදේශයේදී සංවිධානාත්මක අපරාධකරුවෙක් වන වැල්ලේ සාරංගගේ මස්සිනාව වෙඩි තබා ඝාතනය කර තිබුණි.
ඝාතනය මෙහෙයවීමේ චෝදනාව එල්ල වූයේ, දැනට විදේශගතව සිටින ඩුබායි නිපුන නමැති පුද්ගලයාටය.
ප්‍රධාන සැකකරු ශ්‍රී ලංකා යුද හමුදාවේ චෙංකලඩි කඳවුරේ හතර වන ගැමුණු හේවා බල ඇණියේ සක්‍රීය සේවයේ නිරත කෝප්‍රල්වරයෙකි.
පොලිස් විශේෂ කාර්ය බළකාය, ප්‍රධාන සැකකරු අත්අඩංගුවට ගැනීමට යෑමේදී ඔහු මඩකලපුව චෙංකලඩි කඳවුරෙන් පැනගොස් තිබුණි.
පළා යන අතරවාරයේදී ඔහු අත්අඩංගුවට ගැනීමට යුද හමුදා බුද්ධි අංශ නිලධාරීන්ට හැකිවුණේ අම්පාර ප්‍රදේශයේදීය.
ඔහු මෙම සිද්ධියේ වෙඩික්කරු ලෙස කටයුතු කර තිබුණ බව සැකකෙරෙයි.
අත්අඩංගුවට පත්වූ අනෙක් සැකකරු වන්නේ වෙඩිතැබීම සම්බන්ධයෙන් ඔත්තු බැලු බව කියන පුද්ගලයෙකි.
හක්මන උඩහවත්ත ප්‍රදේශයේදී අත්අඩංගුවට පත්වූ එම සැකකරුද යුද හමුදාවේ හිටපු සෙබළෙකි.
මීට අමතරව මෙම ඝාතනයට සැකකරුවන් පැමිණි යතුරුපැදිකරු දැනට පළෘගොස් ඇති අතර ඔහුද යුද හමුදාවේ හිටපු සෙබළෙකි.