ගණේමුල්ල සංජීවගේ ප්රධාන සගයන් දෙදෙනෙකු වන “පෑලියගොඩ ශක්ති” හා “දිප්පිටිගොඩ ළහිරු” යන දෙදෙනා සමඟ සමීප සම්බන්ධතා පවත්වමින් ඔවුන්ගේ මත්ද්රව්ය ජාවාරම් කළ බවට සැකපිට පුද්ගලයින් දෙදෙනෙකු අත්අඩංගුවට ගෙන තිබේ.
සංවිධානාත්මක අපරාධ කල්ලි නායකයෙකු සහ මත්ද්රව්ය ජාවාරම්කරුවෙකු ලෙස සැකකෙරෙන ගණේමුල්ල සංජීව මේ වනවිට පොලිස් අත්අඩංගුවේ පසුවෙයි.
යුක්තිය මෙහෙයුම යටතේ ඊයේ (15) බුළුගහ හන්දිය, කැලණිය ප්රදේශයේ සිදුකළ වැටලීමක දී මෙම සැකකරුවන් දෙදෙනා පොලිස් විශේෂ කාර්ය බළකායේ නිලධාරී කණ්ඩායමක් විසින් අත්අඩංගුවට ගෙන ඇත.
ඔවුන් පැමිණි ත්රීරෝද රථය පරීක්ෂා කිරීමේදී එහි තිබී අයිස් මත්ද්රව්ය 62gයි 900mgක්, විද්යුත් තරාදියක් හා මත්ද්රව්ය ජාවාරමෙන් උපයාගත් රුපියල් 38,330ක් පොලිස් භාරයට ගෙන තිබුණි.
සැකකරුවන් කැලණිය සහ වත්තල ප්රදේශවල පදිංචිව සිටින 32 හැවිරිදි සහ 34 හැවිරිදි පුද්ගලයන් දෙදෙනෙකි.
වැඩිදුර ප්රශ්න කිරීමේ දී අනාවරණය වී ඇත්තේ එක් සැකකරුවෙකු 2022 වර්ෂයේදී “පොලිස් අත්තනායක” යන පුද්ගලයාව වෙඩිතබා ඝාතනයට ආධාර අනුබලදීමේ චෝදනාව මත අත්අඩංගුවට ගෙන ඇප මත මුදා හැර සිටින පුද්ගලයෙකු බවයි.
වැඩිදුර විමර්ශන සඳහා සැකකරුවන් දෙදෙනා පෑලියගොඩ පොලීසිය වෙත භාර දී තිබේ.