ගාල්ල ප්රදේශයේ අධ්යයන පොදු සහතික පත්ර උසස් පෙළ විභාග මධ්යස්ථානයක ඊයේ (20) පැවති ගිණුම්කරණය පළමු ප්රශ්න පත්රය සඳහා ගණක යන්ත්ර භාවිත කිරීමේදී ගැටලුවක් මතුවී ඇති බව වාර්තා වෙයි.
දරුවන් ප්රශ්න පත්රයට පිළිතුරු සපයමින් සිටියදී ඔවුන්ගේ ගණක යන්ත්ර ශාලාධිපතිනිය විසින් ලබාගෙන ඇති බව සඳහන්ය.
ඊට හේතුව වී ඇත්තේ අපේක්ෂකයින් කිහිපදෙනෙකු විසින් අනුමත නොකරන ලද ගණක යන්ත්ර විභාග ශාලාව තුළට ගෙනඒම බව වාර්තා වෙයි.
කෙසේවෙතත් ශාලාධිපතිනිය විසින් අධ්යාපන බලධාරීන් දැනුවත් කිරීමෙන් අනතුරුව පැයකට පමණ ආසන්න කාලයකට පසු යළිත් වරක් ගණක යන්ත්ර විභාග අපේක්ෂකයින්ට ලබාදී ඇත.
එහෙත් ගණක යන්ත්ර යළි තෝරා ගැනීම සඳහා කාලයක් ගතවී ඇතත් පිළිතුරු ලිවීම සඳහා අමතර කාලයක් ශාලාධිපතිනිය විසින් ලබාදී නොමැති බව දරුවන්ගේ දෙමාපියන් සඳහන් කරයි.
ඒ හේතුවෙන් තම දරුවන්ට බලවත් අසාධාරණයක් සිදුවු බවද දෙමාපියන් පැවසීය.
කෙසේවෙතත් මේ සම්බන්ධයෙන් අද දෙරණ විභාග දෙපාර්තමේන්තුවෙන් විමසීමක් සිදුකළ අතර එහිදී සඳහන් කෙරුණේ උත්තර පත්ර පරීක්ෂාවේදී ඒ සම්බන්ධයෙන් අවධානය යොමුකර කටයුතු කරන බවය.