ATM කාඩ්පතකින් මුදල් වංචා කළ සැකකරුවෙකු දියතලාව පොලීසිය විසින් අත්අඩංගුවට ගෙන තිබේ.
ඊයේ (13) උදෑසන කාලයේ දී දියතලාව නගරයේ පිහිටි රජයේ බැංකුවක ATM යන්ත්රයකින් මුදල් ගැනීමට පැමිණි කාන්තාවක් එම ස්ථානයේ සිටි පුද්ගලයෙකුට කාඩ් පත ලබා දී ATM යන්ත්රයෙන් මුදල් ලබාදෙන ලෙස පවසා ඇත.
එම පුද්ගලයා විසින් මුදල් ලබාගැනීමට අපහසු බව පවසා ඒ.ටී.එම් කාඩ් පත ලබා දී පිට ව ගොස් තිබේ.
පසු ව එම බැංකු ගිණුමෙන් රුපියල් ලක්ෂ 02ක මුදල් ලබාගෙන ඇති බවට දුරකථනයට ලැබුණු එස්.එම්.එස්. පණිවිඩය අනුව කාන්තාව විසින් දියතලාව පොලිස් ස්ථානය වෙත පැමිණිල්ලක් කර තිබේ.
ඒ සම්බන්ධයෙ දියතලාව පොලීසිය විමර්ශන සිදු කර සැකකරු බස් රථයක නැගී පළා ගිව බවට අනාවරණය වීමෙන් පසු අවට පොලිස් ස්ථාන වෙත පණිවිඩ ලබා දී ඇත.
එම පණිවිඩය අනුව ක්රියාත්මක වූ හල්දුම්මුල්ල පොලිස් ස්ථානයේ නිලධාරීන් විසින් සැකකරු අත්අඩංගුවට ගෙන දියතලාව පොලිස් ස්ථානය වෙත භාර දී තිබේ.
අත්අඩංගුවට ගත් සැකකරු අටවීරාගොල්ලෑව ප්රදේශයේ පදිංචි 38 හැවිරිදි පුද්ගලයෙකි.
සැකකරු පැමිණිලිකාර කාන්තාව විසින් ලබාදෙන ලද ATM කාඩ්පත වෙනුවට වෙනත් කාඩ් පතක් ලබා දී එම කාඩ්පත සොරම් කර මුදල් ලබාගෙන ඇති බවට අනාවරණය වී තිබේ.
දියතලාව පොලීසිය වැඩිදුර විමර්ශන සිදු කරයි.