පවතින අයහපත් කාලගුණය හේතුවෙන් උතුරු නැගෙනහිර පළාත්වල පුද්ගලයින් අටදහසක් ඇතුළුව දිවයින පුරා එකොලොස් දහසකට ආසන්න පිරිසකට බලපෑම් එල්ල වී තිබේ.
මෙම තත්ත්වයත් සමග මුලතිව් දිස්ත්රික්කයේ පාසල් 8ක් සහ කිලිනොච්චියේ පාසල් 5ක් තාවකාලික වසාදමා ඒවායේ සහන කඳවුරු ස්ථාපිත කර තිබේ.
මේ අතර මුලතිව් දිස්ත්රික්කයේ කුඹුරු අක්කර 5000කට වැඩි ප්රමාණයක් ජලයෙන් යටවී ඇති බවට වාර්තාවෙයි.
මුලතිව් හා වන්නි ආරක්ෂක සේනා මූලස්ථානයන්ට අයත් යුද හමුදා නිලධාරීන් ජලගැලීම්වලින් කොටුවී සිටින ජනතාව මුදා ගැනීම් සිදුකරන අතර එලෙස මුදා ගන්නා පිරිස් තාවකාලික රැඳවුම් මධ්යස්ථානවෙත යොමු කෙරෙයි.
මේ අතර බොරලන්ද ප්රදේශයට ඇදහැලුණු අධික වර්ෂාවත් සමග වංගියකුඹුර ඔය පිටාර ගැලීමෙන් වගාබිම් රැසක් ජලයෙන් යටවී තිබුණි.
වංගියකුඹුර ඕලුගම පාලමද ජලයෙන් යටවීමෙන් වංගියකුඹුර – ඕලුගම මාර්ගයෛ් ගමනාගමන කටයුතුවලට බාධා එල්ල වී ඇත.
ඇදහැලෙන අධික වර්ෂාවත් සමඟ වැලිමඩ නගරයේ සතිපොල ඉදිරිපිට පිහිටි වෙළඳසැල් පෙළක් ජලයෙන් යටවී තිබුණි.
මල්වතු ඔය හා නිල්වලා ගඟ පහළ ප්රෙද්ශවලට නිකුත් කළ ගංවතුර අනතුරු ඇඟවීමේ නිවේදනය අද දිනය දක්වා වලංගු බව වාරිමාර්ග දෙපාර්තමේන්තුව පවසයි.
කෙසේ වෙතත් වැසි තත්ත්වයෙහි ප්රමාණාත්මක අඩුවක් ලබන 22වැනිදායින් පසුව අපේක්ෂා කරන බව කාලගුණ විද්යා දෙපාර්තමේන්තුව පවසනවා.