සෙල්ලම් පිස්තෝලයක්ද රැගෙන ත්රිරෝද රථයක් කොල්ලකෑමට යතුරුපැදි දෙකකින් යමින් සිටි පුද්ගලයින් සිව්දෙනෙකු සේදවත්ත තොටළඟ ප්රදේශයේදී පොලිස් විශේෂ කාර්යය බළකාය විසින් අත්අඩංගුවට ගනු ලැබීය.
ප්රශ්න කිරීම්වලදී අනාවරණය වී ඇත්තේ ඔවුන් කොල්ලකෑමට සූදානමින් සිටි ත්රිරෝද රථයේ රුපියල් කෝටියකට ආසන්න මුදල් සමඟ හෙරොයින් රැගෙන යමින් ඇති බවය.
අත්අඩංගුවට ගත් සිව්දෙනා සන්තකයේ තිබී ව්යාජ යුද හමුදා නිල හැඳුනුම්පත් සහ නිල ලාංඡන, විවිධ ආරක්ෂක අංශයන් හි නිල ඇඳුමින් සැරසී ලබාගත් ඡායාරූප ඇතුළු භාණ්ඩකිහිපයක් තිබී සොයා ගත් බව පොලීසිය සඳහන් කළේය.
මෙම සැකකරුවන්ගෙන් ලැබුණු තොරතුරට අනුව ත්රිරෝද රථයකින් හෙරොයින් ප්රවාහනය කරමින් සිටි කාන්තාවක් ඇතුළු තවත් පුද්ගලයෙකුද අත්අංගුවට ගෙන තිබිණි.
ඒ හෙරොයින් ග්රෑම් 06, මිලි ග්රෑම් 497 ක් සහ රුපියල් කෝටියකට ආසන්න මුදල්ද සමගය.
කාන්තාව ඇතුළු සැකකරුවන් 6 දෙනා සම්බන්ධව ග්රෑන්ඩ්පාස් පොලිසීය වැඩිදුර විමර්ශන මෙහෙයවයි.