එගොඩඋයන, මෝදර මුහුදේ ඊයේ (01) මිතුරන් සමඟ දියනාමින් සිටි තරුණයෙකු මුහුදේ ගිලී අතුරුදන් ව ඇති බව එගොඩඋයන පොලීසිය පවසයි.
මෙසේ අතුරුදන් ව ඇත්තේ එගොඩඋයන, ධීවර නිවහන් පෙදෙස පදිංචි සුපුන් චතුරංග නමැති 19 හැවිරිදි තරුණයෙකු බව සඳහන් වේ.
අතුරුදන් ව ඇති තරුණයා රැකියාවක සම්මුඛ පරීක්ෂණයකට ගොස් පැමිණ තවත් තරුණයන් දෙදෙනෙකු සමඟ දියනාමින් සිට ඇති බවත් එක්වරම රළ පහරට හසු ව ගසාගෙන ගොස් ඇති බවත් සඳහන්ය.
අතුරුදන් තරුණයා සොයා ප්‍රදේශවාසීන් සහ පොලීසිය මෙහෙයුම් දියත් කර ඇතත් පස්වරුව වනවිටත් ඔහු හමු වී නොමැති බව වාර්තා වේ.
එගොඩඋයන පොලීසිය වැඩිදුර පරීක්ෂණ පවත්වයි.