සෞඛ්‍ය, තැපැල් හා ගුරු විදුහල්පති ඇතුළු වෘත්තීය සමිති කිහිපයක් ඊයේ දහවල් කෑම පැයේ විරෝධතාවල නිතර වුණි.
රුපියල් 20,000ක අවම වැටුප් වැඩිවීමක් ලබානොදීම, සෞඛ්‍යයට ප්‍රමාණවත් මුදලක් වෙන් නොකිරීම, ඖෂධ, උපකරණ හා කාර්යමණ්ඩල හිඟයට විසඳුම් ලබානොදීම ඇතුළු කරුණු කිහිපයක් මුල්කර ගනිමින් මෙම විරෝධතා පැවැත්විය.
මේ අතර තැපැල් වෘත්තීය සමිති අද දහවල් තැපැල් කාර්යාල ඉදිරිපිට විරෝධතාවල නිතරවූයේ රුපියල් 20,000ක අවම වැටුප් දීමනාව ලබා නොදීම, නුවරඑළිය තැපැල් කාර්යාල ගොඩනැගිල්ල විකිණීමට එරෙහිව සහ තැපැල් ක්ෂේත්‍රෙය් ඇති ගැටලු රැසකට විසඳුම් ඉල්ලමිනි.
මේ අතර මෙවර අයවැයෙන් අධ්‍යාපන ක්ෂේත්‍රයේ ගැටලු විසඳීමට පියවර ගෙන නැතැයි චෝදනා කරමින් ගුරු විදුහල්පති වෘත්තීය සමිති සන්ධානය අද පස්වරුවේ දිවයින පුරා උද්ඝෝෂණවල නිරත වුණි
මේ අතර 2006 වසරේ සිට සාමුහික ගිවිසුමක් හරහා ක්‍රියාත්මක වන, වරාය සේවකයින්ට වැටුප් වැඩි කිරීම පසුගිය ඔක්තෝබර් 23 වන දින රැස් වූ කැබිනට් මණ්ඩලයේ තීරණයකට අනුව අත්හිටුවා ඇති අතර ඒ සම්බන්ධයෙන් වරාය වෘත්තීය සමිති කිහිපයක්ද ඊයේ වරාය සභාපතිවරයා හමුවී සාකච්ඡා කර තිබේ.
මේ අතර ලංකා බැංකු සේවක සංගමයද පවසන්නේ වැටුප් වැඩිවීම ඇතුළු ඉල්ලීම් කිහිපයක් මුල්කරගනිමින් තම සංගමය ද විරෝධතා ක්‍රියාමාර්ගයකට එළඹීමට සූදානම් බවය.
එක්සත් කම්කරු ප්‍රජාවද රජයෙන් ඉල්ලා සිටින්නේ සාමූහික ගිවිසුමකට අනුව වතු කම්කරුවන්ගේ වැටුප රු. 3000ක් දක්වා ඉහළ දමන ලෙසටය.