දිනේෂ් ෂාෆ්ටර් මහතාගේ මරණයට හේතු සෙවීම සඳහා අධිකරණය මගින් පත්කළ විශේෂඥ පංච පුද්ගල වෛද්ය කමිටුව සිය වාර්තාව සම්බන්ධයෙන් විමර්ශන නිලධාරීන් දැනුවත් කිරීමට නියමිතය.
එමෙන්ම ෂාෆ්ටර් මහතාගේ මරණය සම්බන්ධයෙන් වන විමර්ශන මනුෂ්ය ඝාතන සහ සංවිධානාත්මක අපරාධ විමර්ශන කොට්ඨාස මගින් මේ වනවිට නැවත ආරම්භ කර තිබේ.
ඒ අනුව නැවත වතාවක් පාර්ශ්ව රැසකින් මරණය සම්බන්ධයෙන් ප්රකාශ ලබාගැනීමට නියමිත බව වාර්තා වෙයි.
මේ අතර ෂාෆටර් මහතාගේ දේහය පිළිබඳ නැවත අවසන් කටයුතු ඊයේ (04) පස්වරුවේ ජාවත්ත පොදු සුසාන භූමියේදී පොලිස් ආරක්ෂාව මධ්යයේ සිදුකෙරුණි.
ව්යාපාරික දිනේෂ් ෂාෆ්ටර් මහතාගේ මරණයට හේතු සෙවීම සඳහා අධිකරණය මගින් පත්කළ විශේෂඥ පංච පුද්ගල වෛද්ය කමිටුව පසුගියදා සිය වාර්තාව කොළඹ මහෙස්ත්රාත් අධිකරණයට ලබාදුනි.
ඒ අනුව අධිකරණය ප්රකාශ කළේ ෂාෆ්ටර් මහතාගේ මරණය ගෙල සහ මුහුණ මත ඇතිවූ පීඩනයක් හේතුවෙන් සිදුවී ඇති බවය.
පසුව අධිකරණය විමර්ශන නිලධාරීන් වෙත නියෝග කළේ එම සිද්ධිය තුළින් අපරාධයක් අනාවරණය වන බැවින් ඊට සම්බන්ධ සැකකරුවන් අත්අඩංගුවට ගෙන අධිකරණයට ඉදිරිපත් කිරීමට පියවර ගන්නා ලෙසය.