මෙරට සමෘද්ධි බැංකු සහ එම බැංකු අඩංගු සමිති 2000 ක පමණ සිදුවී ඇතැයි පැවසෙන වංචා 107 කින් කෝටි විසි තුනකට වැඩි අලාභයක් සිදුවී ඇතැයි ජාතික විගණන කාර්යාලය මගින් සැප්.18 වන දින නිකුත් කර ඇති අලුත් ම විගණන වාර්තාවක සඳහන් වේ.
මේ වසරේ අප්රේල් 21 වන දා විගණනයට ඉදිරිපත් කරනු ලැබූ වාර්තාව අනුව 2014 වර්ෂයේ ජනවාරි මස 03 වන දා සිට 2015 වර්ෂයේ ජූලි මාසය අවසානය දක්වාම කාල පරිච්ඡේදයකදී සිදුව ඇතැයි කියන වංචා 15 කින් රුපියල් කෝටි පහළොවකට වැඩි මුදලක් ද 2019 සිට 2020 වර්ෂයේ පෙබරවාරි මාසය දක්වා සිදු වී ඇතැයි කියන වංචා අනූ දෙකකින් රුපියල් කෝටි දාහතකට වැඩි මුදලක් ද පාඩු වී ඇතැයි ජාතික විගණන කාර්යාලය පවසයි.
ගණෙනුදෙනු කරුවන්ගේ කටයුතු, පුද්ගලයන් විසින් තමන්ගේ අතින් සිදු කිරීමේ දී සිතා මතාම කරන වැරදි සහ මූල්ය වංචා අවම කර ගැනීමට ඔවුන් විසින් අපේක්ෂා කළත් එම වංචාවල අඩුවක් වී නොමැති බවද එම විගණන වාර්තාවේ දැක්වේ. මෙම තොරතුරු අනාවරණය වී ඇත්තේ සමෘද්ධි සංවර්ධන දෙපාර්තමේන්තුවේ 2022 වාර්ෂික වාර්තාවකට ඇතුළත් කරනු ලැබූ විගණන වාර්තාවකින් බව සඳහන් වේ.