රත්මලාන ඥානේන්ද්ර පාරේ නිවසක සිටි සංවිධානාත්මක අපරාධකරුවකු ගේ සමීපතමයකු නිවසින් පිටතට රැගෙන විත් වෙඩි තබා බරපතළ තුවාල සිදු කිරීමේ සිද්ධියට යොදා ගත් ගිනි අවිය සහ සැකකරුවන් පැමිණි මෝටර් රථය සැඟවීම සඳහා ආධාර අනුබල දුන් බව කියන ලංකා මානව හිමිකම් සංවිධානයේ කොළඹ දිස්ත්රික් විමර්ශන නිලධාරියකු ඇතුළු පුද්ගලයන් තිදෙනකු අත්අඩංගුවට ගත් බව පොලිස් විශේෂ කාර්ය බළකාය කියයි.
අත්අඩංගුවට ගත් සෙසු සැකකරුවන් අතර යුද්ධ හමුදාවේ යාන්ත්රික පාබල රෙජිමේන්තුවට අනුයුක්තව පුද්ගලයකු වන අතර අනෙක් සැකකරු පයාගල බිංදු නමින් හඳුන්වන මත්ද්රව්ය ජාවාරම්කරුවෙකි.
එම සැකකරුවන් තිදෙනා සමග තුර්කියේ නිෂ්පාදිත පිස්තෝල අවියක් , ජීව උන්ඩ හතක් , පතොරොම් ගැබක් ,අත් විලංගු දෙකක් , කිණිස්සක් ජංගම දුරකථන දෙකක්, මෝටර් රථයක් සහ හොරයින් මත්කුඩු ග්රෑම් 5ක් පොලිස් භාරයට ගෙන ඇත.