බේරුවල ප්‍රදේශයේදී දුම්රිය මාර්ගයට පස් කන්දක් කඩාවැටීම හේතුවෙන් ඊයේ (06) රාත්‍රියේ මුහුදුබඩ දුම්රිය මාර්ගයේ ගමනාගමනට බාධා එල්ලවී තිබුණි.
නමුත් මේ වනවිට එම මාර්ගයේ දුම්රිය ධාවනය යථා තත්ත්වයට පත්කර ඇති බව වාර්තා වෙයි.
දුම්රිය සේවකයින්, බේරුවල පොලීසිය සහ ප්‍රදේශවාසින් එක්වී ඊයේ රාත්‍රියේම දුම්රිය ධාවනය යථා තත්ත්වයට පත්කිරීමට කටයුතු කර තිබුණි.
මග්ගොන සහ බේරුවල දුම්රිය ස්ථාන අතර මාගල්කන්ද ප්‍රදේශයේ දුම්රිය මාර්ගයට මෙලෙස පස් කන්දක් කඩාවැටීමෙන් මුහුදුබඩ දුම්රිය මාර්ගයේ ගමනාගමනට බාධා එල්ලවී තිබුණි.
මේ හේතුවෙන් කොළඹ කොටුව සිට ගාල්ල බලා ඊයේ ගමන් ගත් රාත්‍රි තැපැල් දුම්රිය සහ මරදාන සිට අළුත්ගම බලා ගමන් ගන්න දුම්රියක් පයාගල ප්‍රදේශයේ නතර කර තිබු අතර එම දුම්රියන්වලින් පමිණි මගීන් අපහසුතාවයකට ලක්විය.