ගතවූ මාස 06ක කාලය තුළ හම්බන්තොට මහරෝහලේ විශේෂඥ වෛද්‍යවරුන් 10 දෙනෙකු රටින් පිටවී ගොස් තිබෙන බව සමස්ත ලංකා වෛද්‍ය නිලධාරීන්ගේ සංගමය අවධාරණය කරයි.
මාධ්‍ය හමුවක් පවත්වමින් ඔවුන් මේ බව නිවේදනය කරන අතර, කරාපිටිය ශික්ෂණ රෝහලේ නිර්වින්දන වෛද්‍යවරයකු ද විශ්‍රාම ගෙන රටින් පිට ව ගොස් ඇති බව ඔවුන් සඳහන් කරයි.
එම වෛද්‍යවරයාගේ අඩුව පිරවීම සඳහා සෞඛ්‍ය අමාත්‍යාංශය තවදුරටත් අපොහොසත් වී තිබෙන බව ද එම සංගමය සඳහන් කර ඇත.
මේ හේතුවෙන් ශල්‍යකර්ම කිරීමට නියමිත රෝගීන් දැඩි අපහසුතාවට පත් ව ඇති බවත් එම රෝගීන් විවිධ රෝහල්වලට ගෙනයාමට දැනට සිදුවී ඇති බවත් වාර්තා වෙයි.
මෙම ගැටලු නිරාකරණය නොවුණහොත් ඉදිරියේ දී වෘත්තීය ක්‍රියාමාර්ගවලට යාමට පවා සිදුවන බව
සමස්ත ලංකා වෛද්‍ය නිලධාරීන්ගේ සංගමය ලේකම් වෛද්‍ය ජයන්ත බණ්ඩාර මහතා වැඩිදුරටත් අදහස් පළ කරමින් කියා සිටියේය.