සෞඛ්‍ය අමාත්‍ය කෙහෙළිය රඹුක්වැල්ල මහතාට එරෙහි මහජන අත්සන් ලබා ගැනීම කළුතර ශික්ෂණ රෝහල ඉදිරිපිට අදත් (18) සිදුවූ බව වාර්තා වෙයි.
සමගි ජන බලවේගය, කළුතර ආසන සංවිධායක අජිත්.පී.පෙරේරා මහතා විසින් මෙම අත්සන් ව්‍යාපාරය සිදුකර ඇත.
වර්තමාන සෞඛ්‍ය සේවාවට මෙන්ම වර්තමාන සෞඛ්‍ය අමාත්‍යවරයාට තම ධුරයෙන් ඉල්ලා අස්වී සුදුසු කෙනෙකුට මෙම සෞඛ්‍ය අමාත්‍ය ධුරය ලබා දී නිසි පරිදි සෞඛ්‍ය සේවාවක් ස්ථාපිත කිරීමට අවශ්‍ය කටයුතු සම්පාදනය කරන්නැයි රජයට බල කරමින් මෙම වැඩසටහන ක්‍රියාත්මක වී තිබේ.
කළුතර ශික්ෂණ රෝහලෙන් ඖෂධ ලබාගැනීමට පැමිණි රෝගීන් සහ ප්‍රධාන මාර්ගයේ ගමන්ගන්නා ජනතාව විශාල පිරිසක් මෙම අත්සන් ලේඛනයට අත්සන් තබන ආකාරය දැක ගන්නට ලැබුණු බව අද දෙරණ වාර්තාකරු පැවසීය.