යොවුන් ගායන ශිල්පිනි යොහානි ද සිල්වාගෙන් පසු ජාත්යන්තරයේ අවධානය යොමුකර ගැනීමට යාපනයේ පුංචි කිල්මිෂාට හැකියාව ලැබී තිබේ.
මේ දිනවල කාගෙත් කතා බහට ලක්ව ඇති කිල්මිෂා මේ වනවිට 8 වන ශ්රේණියේ ඉගෙනුම ලබයි.
කිල්මිෂා සහභාගී වු සුප්රකට ඉන්දීය රියැලිටි ප්රසංගයකදී ඇයගේ ගායනය විනිසුරුවන්ගේ දෑස් කඳුළින් තෙත් කිරීමට සමත්වුණි.
එම ප්රසංගයේ විනිසුරුවරුන් ලෙස ඉන්දියොවේ සංගීත ශිල්පීන් සහ ගායකයින් රැසක් සහභාගී වී සිටියහ.
ඉතා සුන්දර අයුරුන් ගායනේ නියැලුණු කිල්මිෂා ඉන් අනතුරු විනිසුරුවන්ට පවසා සිටියේ, තමන් ශ්රී ලාංකිකයෙක් බවය.
තමිල්නාඩුවේ පැවති රියැලිටි ප්රසංගයේ දී තරග කිහිපයකින් ජයග්රහණය හිමිකර ගත් කිල්මිෂා මේ වනවිට ලංකාවේ රසිකයින්ගේ හදවත් ද සොරා ගෙන අවසන්ය.
වයස අවුරුදු 3 සිට ගීත ගායනයට දක්ෂතා දක්වන කිල්මිෂා සිංහල, ඉංග්රීසි සහ දෙමළ භාෂාවන්ගෙන් ගීත ගායනා කිරීමේ හැකියාව හිමි අයෙකි.
අමෙරිකාවේ ආයතනයක් මඟින් පැවැත්වු ගායන තරගයකින් ද ඇය හොඳම ගායනයට හිමි සම්මානය දිනාගෙන තිබේ.
එපමණක් නොව ඇය ගීත ඇල්බම රැසකට ද සිය ගායනා එක්කර ඇත.
යාපනයේ පැවති ප්රසංගයක දී ඇයගේ ගායන දක්ෂතාවය පිළිබඳ පැහැදී ඇති ඉන්දීය සංගීතාඥයින් පිරිසක් ඇයට කිසිදු හඬ පරීක්ෂාවකින් තොරව මෙම රියැලිටි ප්රසංගයට සහභාගී වෙන ලෙස දන්වා තිබේ.
ඒ අනුව ඇය මෙම වැඩසටහනට එක්ව ඇතැයි වාර්තා වේ.
කෙසේවෙතත් පුංචි කිල්මිෂාගේ අනාගත බලාපොරොත්තුව වන්නේ අනාගතයේ දී තමන්ගේ ගායන හැකියාව වර්ධනය කරගැනීමත්, වෛද්යවරියක් වීමත්ය.
ශ්රී ලාංකේය අභිමානය ජාත්යන්තරයට රැගෙන ගිය පුංචි කිල්මිෂාට අද දෙරණ අපිත් හදවතින්ම සුබ පැතුම් එක්කරන්නෙමු.