මඳුරන්කුලිය නගරය ආසන්නයේ දී අපරික්ෂාකාරී ලෙස ධාවනය වූ ලොරියක, යතුරුපැදියක් ගැටී බරපතළ තුවාල ලබා පුත්තලම මූලික රෝහලට ඇතුළත් කර සිටි තුවාලකරුවන් දෙදෙනාගෙන් එක් අයෙක් ජීවිතක්ෂයට පත්ව තිබේ.
එලෙස අවාසනාවන්ත ලෙස ජීවිතය හැරගොස් ඇත්තේ, පුත්තලම, ජයබිම ප්රදේශයේ පදිංචිව සිටි 26 හැවිරිදි සුරේන්ද්ර අනුරුද්ධික නැමති පෞද්ගලික ආයතනයක සේවය කළ තරුණයෙකි.
සාලියවැව ප්රදේශයේ පදිංචි අනෙක් තරුණයා ද බරපතළ තුවාල ලබා තවමත් රෝහල්ගතව ප්රතිකාර ලබයි.
අනතුරින් මරණයට පත් තරුණයා හා තම මිතුරා සමග පුත්තලම දෙසට යතුරුපැදියෙන් ගමන් කරමින් සිටියදී පුත්තලම දෙස සිට අපරික්ෂාකාරී ලෙස ප්රතිවිරුද්ධ දිශාවේ ගමන් කරමින් තිබු ලොරි රථයක් ඉස්සර කර යාමට සුදානම් වීමේ දී යතුරුපැදිය ලොරි රථයේ ගැටී අනතුර සිදුව ඇත.
අදාළ ලොරි රථය එළවළු ප්රවාහනය කරමින් තිබු ලොරි රථයක් බවත් එය කොළඹ දෙසට ගමන් කර තිබු බවත් පොලීසිය පවසයි.
අනතුරින් බරපතළ ලෙස තුවාල ලබා සිටි තරුණයින් දෙදෙනා කඩිනමින් පුත්තලම මූලික රෝහලට ප්රතිකාර සඳහා රැගෙන ගොස් තිබුණද ඒ වන විටත් අනුරුද්ධික මරණයට පත්ව සිටි ඇත.
අනතුර සම්බන්ධයෙන් ලොරි රථයේ රියදුරා මඳුරන්කුලිය පොලීසිය මඟින් අත්අඩංගුවට ගෙන තිබු අතර මඳුරන්කුලිය පොලිස් ස්ථානාධිපති පොලිස් පරීක්ෂක ගාමිණි වික්රමසිංහ මහතා සමඟ රථවාහන අංශ ස්ථානාධිපති උප පොලිස් පරීක්ෂක තෙන්නකෝන් මහතා ඇතුළු නිලධාරින් පිරිසක් වැඩිදුර පරීක්ෂණ පවත්වයි.